Каціны камень

«Вялікі камень кеўлаўскі» ці «Каціны камень» — валун, гэалягічны помнік прыроды рэспубліканскага значэньня ў Беларусі^[1].

Каціны камень

Вялікі камень кеўлаўскі
катэгорыя III (помнік прыроды) паводле МСАП
Найбліжэйшае мястэчка	Кеўлы
Каардынаты	54°22′27.4″ пн. ш. 26°25′36″ у. д.
Каціны камень у Вікісховішчы

Разьмешчаны ў 2 км на паўднёвы-захад ад вёскі Кеўлы Смаргонскага раёна Гарадзенскай вобласьці на заходнім схіле канцаваморанага склону, што парос дрэвамі і лазой.

Валун чырвона-ружовага граніту рапаківі з рэдкімі крышталікамі палявога шпату памерам ад 2 да 5 см. Прынесены ледавіком з паўночнага-захаду Фінляндыі каля 130—150 тысячаў год таму падчас ашмянскай стадыі сожанскага зьледзяненьня. На глыбе расьце шмат імху.