Кейляр Навас

Ке́йляр Анто́ніё На́вас Гамбо́а (па-гішпанску: Keylor Antonio Navas Gamboa; нар. 15 сьнежня 1986 году, Сан-Ісыдра-дэ-Эль-Хэнэраль, Коста-Рыка) — костарыканскі футбаліст, брамнік мэксыканскага клюбу «УНАМ Пумас» і нацыянальнай зборнай Коста-Рыкі.

Кейляр Навас
Пэрсанальная інфармацыя
Нарадзіўся	15 сьнежня 1986(1986-12-15)[1][2][3] (38 гадоў) Картага[d], Коста-Рыка[1][4]
Рост	185 см[5]
Вага	80,12 кг[5]
Пазыцыя	брамнік
Клюбная інфармацыя
Клюб	УНАМ Пумас[d]
Нумар	1
Клюбы
Гады	Клюб	Гульні (галы)¹
2005—2010	Сапрыса[d]	73 (0)
2010—2012	Альбасэтэ	36 (0)
2011—2012	→ Левантэ	1 (0)
2012—2014	Левантэ	46 (0)
2014—2019	Рэал Мадрыд	162 (0)
2019—2024	Пары Сэн-Жэрмэн	114 (0)
2023	→ Нотынггэм Форэст	17 (0)
2025	Ньюэлз Олд Бойз	16 (0)
2025—4	УНАМ Пумас[d]	1 (0)
Зборныя
2003	Коста-Рыка (да 17)[d]	3 (0)
2008—4	Коста-Рыка	121 (0)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 25 ліпеня 2025.

Кар’ера

Клюбная

Прафэсійную кар’еру пачаў у клюбе «Сапрыса» ў 2005 годзе. Разам з клюбам станавіўся шматразовым чэмпіёнам краіны, зьяўляючыся пры гэтым асноўным брамнікам каманды. У ліпені 2010 году Навас падпісаў канракт з гішпанскім клюбам «Альбасэтэ»^[6]. У сваім першым сэзоне за клюб прапусьціў толькі 6 гульняў чэмпіянату ў Сэгундзе. Паводле вынікаў сэзону клюб вылецеў з розыгрышу.

У сэзоне 2011—2012 гадоў гулец быў аддадзены ў арэнду ў клюб Ля Лігі ў каманду «Левантэ»^[7]. Дэбютаваў за клюб 13 траўня 2012 году, выйшаўшы на пляцоўку ў апошнім туры чэмпіянату ў матчы супраць «Атлетыка» зь Більбао. Клюб атрымаў перамогу ў тым матчы зь лікам 3:0^[8]. Пасьля гэтага брамнік здолеў апярэдзіць Густава Мунуа ў барацьбе за месца ў браме, стала гуляючы ў асноўным складзе каманды.

3 жніўня 2014 году «Рэал» аб’явіў пра пераход у ягоны склад Наваса за 10 млн эўра. Брамнік падпісаў з мадрыдзкім клюбам 6-гадовае пагадненьне^[9].

Міжнародная

У жніўні 2006 году Навас быў выкліканы ў склад зборнай Коста-Рыкі на таварыскі турнір у Эўропе, аднак першы матчы за зборную Кейляр правёў толькі праз два гады. На чэмпіянаце сьвету брамнік дэбютаваў у 2014 годзе ў Бразыліі, дзе быў асноўным брамнікам. Паказваючы добрую гульню, Навас дапамог Коста-Рыцы выйсьці ў чвэрцьфінал, дзе лацінаамэрыканцы саступілі зборнай Нідэрляндаў у сэрыі пэнальці^[10].

Дасягненьні

«Сапрыса»:

• Чэмпіён Коста-Рыкі: 2006, 2007, 2007(а), 2008(к), 2008(а), 2010(к)
• Пераможца Лігі чэмпіёнаў КОНКАКАФ: 2005

«Рэал»:

• Чэмпіён Гішпаніі: 2017
• Уладальнік Супэркубка Гішпаніі: 2017
• Пераможца Лігі чэмпіёнаў: 2016, 2017, 2018
• Уладальнік Супэркубка Эўропы: 2014, 2017
• Пераможца клюбнага чэмпіянату сьвету: 2014, 2016, 2017, 2018

«Пары Сэн-Жэрмэн»:

• Чэмпіён Францыі: 2020, 2022, 2024
• Уладальнік Кубка Францыі: 2020, 2021, 2024
• Уладальнік Кубка францускае лігі: 2020
• Уладальнік Супэркубка Францыі: 2020, 2022, 2023