Кленікі

Кленікі, часам Клейнікі (па-польску: Klejniki, па-падляску: Kléniki) — вёска ў Польшчы. Уваходзіць у склад гміны Чыжы Гайнаўскага павету Падляскага ваяводзтва.

Царква Ўзьнясеньня Гасподняга (1988 г.)

Кленікі
польск. Klejniki
Краіна:	Польшча
Ваяводзтва:	Падляскае
Павет:	Гайнаўскі
Гміна:	Чыжы
Насельніцтва:	490 чал.
Часавы пас:	UTC+1
летні час:	UTC+2
Геаграфічныя каардынаты:	52°51′0″ пн. ш. 23°24′0″ у. д.
Кленікі на мапе Польшчы Кленікі
Галерэя здымкаў у Вікісховішчы

У 1952—1954 гадах сядзіба самастойнае гміны Кленікі. У 1975—1998 гадах вёска належала да Беластоцкага ваяводзтва.

Насельніцтва

Жыхары вёскі ў большасьці этнічныя беларусы, якія карыстаюцца падляскім дыялектам, праваслаўныя (прыход Узьнясеньня Гасподняга ў вёсцы). Невялікую частку насельніцтва складаюць палякі-каталікі (парафія Ўнебаўзяцьцця Найсьвяцейшай Панны Марыі і сьв. Біскупа Станіслава ў Нарві^[1]).

Крыж-капліца пры царкве

Гісторыя

Вёска заснаваная пры каралеўскім гасьцінцы, які спалучаў Бельск з Горадняй. Праваслаўная парафія існавала тут ужо ў 16 стагодзьдзі. Наступная царква — ужо ўніяцкая — пабудаваная ў 1793 годзе і пры пабудове наступнай (1883 год), перанесеная ў вёску Козьлікі. Царква 19 стагодзьдзя згарэла ў 1973 годзе, да 1988 году пабудаваная наступная (у гонар Ушэсьця Гасподняга). У 1907—1913 гадах карэспандэнцыю з Кленікаў адсылаў у «Нашую Ніву» сын тутэйшага праваслаўнага папа — Яўген Хлябцэвіч («Халімон з-пад Пушчы»).