Беларуская гімназія ў Клецку

Беларуская гімназія ў Клецку — навучальная ўстанова ў Клецку, якая дзейнічала ў 1924—1931 гг. за часамі міжваеннай Польскай Рэспублікі^[2][3].

Беларуская гімназія ў Клецку
Gimnazjum Białoruskie w Klecku
Настаўнікі Клецкай гімназіі ў 1931 годзе. Зьлева направа — Рыгор Якубёнак, Мікола Чарнецкі, Вячаслаў Арэнь, Мікола Рудакевіч[1]
Заснаваная	1924
Зачыненая	1931
Дырэктар	Рыгор Якубёнак
Навучэнцаў	200
Адрас	Другая Рэч Паспалітая, Клецак, вул. Татарская, 4 (1926—1931)
Геаграфічныя каардынаты	53°03′44.82″ пн. ш. 26°38′11.16″ у. д.
Беларуская гімназія ў Клецку на мапе Польшчы (1918—1939) Беларуская гімназія ў Клецку

Гісторыя

Клецак, Татарская, Беларуская гімназія (1924-31)

Навучэнцы Клецкай беларускай гімназіі. Нацыянальны гістарычны музэй Рэспублікі Беларусь.

Беларуская гімназія ў Клецку. «Родныя гоні» 1927 г. № 2, с. 11.

Заснаваная (спачатку 1—4 клясы) ў 1924 годзе пад ціскам беларускай грамадзкасьці, пасьля заступніцтва паслоў Сейму, у тым ліку Браніслава Тарашкевіча, а таксама дзякуючы самаахвярным дзеяньням Язэпа Шнаркевіча.

Месьцілася па адрасе: вул. Татарская, 4. Існавала на ахвяраваньні і аптаце вучняў. Дырэктарам усесь час быў Рыгор Якубёнак.

У розны час тут працавалі выкладчыкамі: Вячаслаў Арэнь, Антон Валынчык, Я. Драчан, А. Кішкель, Ю. Мушкат, Мікола Рудакевіч, В. Русак, В. Сініцына, Мікола Чарнецкі, Рыгор Якубёнак і інш. Пры гімназіі існаваў літаратурны гурток, які пасьля пераўтварыўся ў літаратурна-мастацкі, а таксама хор i аркестар, ставіліся спэктаклі па творах Голубка.^[4][5][6]

У 1926 быў арганізаваны інтэрнат для гімназістаў.

У 1927 мела 8 асноўных клясаў і адну падрыхтоўчую, дзе навучалася каля 200 гімназістаў.

У 1930/1931 навучальным годзе налічвала 160 вучняў.

У 1931 школа была ліквідаваная польскімі ўладамі на хвалі барацьбы зь беларускім рухам^[7][8]. За тры выпускі гімназіі яе скончыла 46 навучэнцаў.

Вядомыя навучэнцы

• Міхал Вітушка — беларускі палітычны дзяяч, кіраўнік беларускага антысавецкага руху.
• Анатоль Іверс — беларускі паэт.
• Міхаіл Мінкевіч — беларускі грамадзкі і дзяржаўны дзеяч, міністар асьветы БССР у 1968–1985 гадах.
• Аляксандар Шыдлоўскі — беларускі кампазытар.