Колтан Парайка

Колтан Парайка (па-ангельску: Colton Parayko; нар. 12 траўня 1993 году) — канадзкі хакеіст, абаронца клюбу «Сэнт-Луіс Блюз» з Нацыянальнай хакейнай лігі. У 2012 годзе быў абраны на драфце НХЛ клюбам «Сэнт-Луіс Блюз» у трэцім раўндзе пад агульным 86-м нумарам. Мае ўкраінскае паходжаньне.

Колтан Парайка
Рост	198 см або 196 см[1]
Вага	100 кг
Пазыцыя	абаронца
Кідок/Ловы	правы[d]
Грамадзянства	Канада
Дата нараджэньня	12 траўня 1993(1993-05-12) (32 гады)
Месца нараджэньня	Сэнт-Альбэрт[d], Албэрта, Канада
Клюб	Сэнт-Луіс Блюз
Выступаў за	Чыкага Ўулвз
Драфт НХЛ	86, 2012 Сэнт-Луіс Блюз
Гульнявая кар’ера	2015 — цяпер

Кар’ера

Пачаў кар’еру ў юнацкіх хакейных лігах. У 2011 годзе ўжо мог быць абраны на драфце НХЛ, але ня быў заўважаны клюбамі. Толькі праз год быў абраны клюбам «Сэнт-Луіс Блюз» пад 86-м агульным нумарам. Пасьля застаўся ў студэнцкім хакеі, абараняючы колеры хакейнай каманды Аляскаўскага ўнівэрсытэту ў Фэрбанксе. У сакавіку 2015 году склаў дзьвюхгадовую працоўную ўгоду з «Сэнт-Луіс Блюз»^[2], але адразу перайшоў у клюбе «Чыкага Ўулвз» з Амэрыканскай хакейнай лігі. Перад пачаткам сэзону 2015—2016 гадоў рыхтаваўся да новага розыгрышу НХЛ з блюзмэнамі. Гулец хутка стаў хакеістам асноўнага складу. У 2019 годзе разам з клюбам стаў уладальнікам Кубка Стэнлі, пры гэтым гулец за матчы плэй-оф здабыў 12 пунктаў. 1 верасьня 2021 году Парайка падпісаў новы васьмігадовы кантракт з «Сунт-Луіс Блюзам» на 52 мільёны даляраў^[3].