Корсыка

Ко́рсыка (па-француску: Corse) — востраў у Міжземным моры і адзін з рэгіёнаў (тэрытарыяльная супольнасьць) Францыі. Востраў ляжыць на ўсходзе ад Італіі, прыблізна на вышыні Абруцца, на поўначы ад італьянскага вострава Сардынія і ў паўднёва-заходнім кірунку ад Францыі. Пасьля Сыцыліі, Сардыніі і Кіпру Корсыка зьяўляецца чацьвертым паводле велічыні востравам у Міжземным моры.

Корсыка
Collectivité Territoriale de Corse, Corsica
Герб	Сьцяг
Агульныя зьвесткі
Краіна	Францыя
Статус	Тэрытарыяльная супольнасьць (рэгіён з асаблівым статусам)
Уваходзіць у	Паўднёвая зона абароны Францыі[d]
Адміністрацыйны цэнтар	Аячча
Улучае	Паўднёвая Корсыка Верхняя Корсыка
Дата ўтварэньня	11 студзеня 1970[1]
Прэзыдэнт рады	Поль Джакабі
Афіцыйныя мовы	француская мова
Насельніцтва (2014)	316 257 чалавек
Шчыльнасьць	36,44 чал./км²
Плошча	8680 км²
Месцазнаходжаньне Корсыкі
Мэдыя-зьвесткі
Код ISO 3166-2	FR-20R
Афіцыйны сайт
Дадатковыя мультымэдыйныя матэрыялы

Тэрытарыяльная супольнасьць Корсыка (рэгіён з асаблівым статусам) складаецца з двух дэпартамэнтаў: Верхняя Корсыка і Паўднёвая Корсыка.

Асобы статус рэгіёну вызначае наяўнасьць рэгіянальнага парлямэнту (61 дэпутат) з правам назіраньня за законатворчасьцю Нацыянальных збораў Францыі. Сталіца рэгіёну — Аячча.

Заліў Порта

Геаграфія і насельніцтва

Рэльеф Корсыкі

Плошча рэгіёну — 8 680 км². Рэльеф гарысты.

Насельніцтва — 316 257 чалавек (2014), зь якіх каля 30 тыс. эмігрантаў (пераважна з краінаў Магрыбу). Мовы: француская (дзяржаўная), карэннае насельніцтва размаўляе карсыканскаю моваю, якая лічыцца дыялектам тасканскай мовы.

Гісторыя

З 850 па 1034 гг. Корсыка знаходзілася пад уладаю маўраў. Пасьля востраў перайшоў пад кантроль Генуэскай рэспублікі. У 1768 годзе Генуя перадала востраў Францыі за даўгі. На Корсыцы нарадзіўся Напалеон Банапарт, а таксама сям’я вайсковых і дзяржаўных дзеячаў Абатучы.

Прамысловасьць

Асноўнаю прадукцыяй Корсыкі зьяўляецца віно і аліўкавы алей.