Корткерас

Корткерас (рас. Ко́рткерос, комі-зыр. Кöрткерöс) — сяло ў рэспубліцы Комі, Расея. Зьяўляецца адміністратыўным цэнтрам Корткераскага раёну рэспублікі і Корткераскага сельскага паселішча.

Корткерас
рас. Корткерос
Мясцовая назва:	Кöрткерöс
Краіна:	Расея
Суб’ект фэдэрацыі:	Рэспубліка Комі
Раён:	Корткераскі
Сельскае паселішча:	Корткераскае
Насельніцтва:	▼4710 чал. (2021)[1]
Часавы пас:	UTC+3
Тэлефонны код:	82136
Паштовы індэкс:	168020
Нумарны знак:	11, 111
Геаграфічныя каардынаты:	61°48′13″ пн. ш. 51°34′37″ у. д.
Корткерас на мапе Расеі Корткерас
Галерэя здымкаў у Вікісховішчы

Геаґрафія

Сяло знаходзіцца ў Корткераскім сельскім паселішчы Корткераскага раёну Рэспублікі Комі, Расея. Стаіць на беразе ракі Вычагда. Корткерас знаходзіцца непадалёк ад сталіцы рэспублікі — гораду Сыктыўкар, да якога прыкладна 40 км.

Дэмаґрафія

Насельніцтва сяла складае прыкладна 4800 чалавек. Корткерас насяляюць комі-зыране і расейцы, большасьць вернікаў — праваслаўныя.

Гісторыя

Гісторыя сяла пачынаецца ў 1608 годзе, калі вёскі Кіс, Кортаўская і Навалак аб'ядналіся ў сяло Корткерас.

14 ліпеня 1939 году разам з утварэньнем аднайменнага раёну сяло стала яго адміністратыўным цэнтрам.

Транспарт

Аўтадарогамі Корткерас зьвязаны з навакольнымі паселішчамі (Красназатонскі, Позтыкерас, Старажэўск), а таксама з Сыктыўкарам, Вусьць-Куломам і іншымі раённымі цэнтрамі рэспублікі.