Корткераскі раён

Корткераскі раён (па-расейску: Корткеросский район, комі-зыр.: Кöрткерöс район) — муніцыпальнае ўтварэньне ў Рэспубліцы Комі. Адміністрацыйны цэнтар — сяло Корткерас.

Корткераскі раён
рас. Корткеросский район, комі-зыр. Кöрткерöс район
Герб
Агульныя зьвесткі
Краіна	Расея
Статус	раён
Уваходзіць у	рэспубліку Комі
Адміністрацыйны цэнтар	Корткерас
Улучае	18 сельскіх паселішчаў[1]
Дата ўтварэньня	14 ліпеня 1939
Кіраўнік адміністрацыі	Мікалай Даламіна
Афіцыйныя мовы	расейская, комі-зыранская
Насельніцтва (2010)	22 289 чал
Нацыянальны склад	комі-зыране (больш за 75%), расейцы
Канфэсійны склад	стараверы, праваслаўныя
Плошча	19 760 км²
Месцазнаходжаньне Корткераскага раёну
Мэдыя-зьвесткі
Часавы пас	UTC+3
Тэлефонны код	82136
Код аўтам. нумароў	11, 111
Афіцыйны сайт
Дадатковыя мультымэдыйныя матэрыялы

Геаграфія

Плошча раёну — 19,7 тыс. км² (каля 5 % тэрыторыі Рэспублікі Комі). На поўдні Корткераскі раён мяжуе зь Пермскім краем, на поўначы — з Княжпагосцкім раёнам, заходняя мяжа — прыгарады г. Сыктыўкару, усходняя — Вусьць-Куломскі раён.

Асноўная рака — Вычагда. Рэкі належаць да басэйну р. Вычагды: Вішэра, Локчым, Ніўшэра і інш.

Рэльеф уяўляе сабою слабахалмістую нізіну, расьсечаную густой рачной сеткай. Карысныя выкапні: гаручыя лупнякі, пяшчана-жвірныя сумесі, гліна, руда жалеза. Клімат умерана кантынэнтальны. Сярэдняя тэмпэратура студзеня –17 °C, ліпеня +16 °C, сярэднегадовая колькасьць ападкаў 550 мм.

Гісторыя

Раён утвораны 14 ліпеня 1939 году.

Дэмаграфія

Насельніцтва раёну складае на 1 студзеня 2005 году — 23,2 тыс. чал. Пераважаюць комі — больш за 75 адсоткаў. Пражываюць расейцы, украінцы, беларусы, немцы і інш.