Нача (басэйн Дзьвіны)

На́ча, Начка — рака ў Беларусі, левы прыток ракі Дзьвіны. Цячэ ў Полацкім раёне Віцебскай вобласьці. Даўжыня 43 км. Плошча вадазбору 424 км². Выдатак вады ў вусьці 2,8 м³/с. Сярэдні нахіл воднай паверхні 0,7‰.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Нача (неадназначнасьць).

Рака

Нача
Агульныя зьвесткі
Выток	воз. Арэхаўна
Вусьце	Дзьвіна
Краіны басэйну	Беларусь
Вобласьці	Полацкі раён
Даўжыня	43 км
Сярэднегадавы сьцёк	2,8 м³/с
Плошча басэйну	424 км²
Нахіл воднай паверхні	0,7 ‰
Галерэя здымкаў у Вікісховішчы

Асноўныя прытокі — Бедрыца (левы), Валынка (правы).

Агульныя зьвесткі

Выцякае з возера Арэхаўна каля вёскі Арэхаўна, вусьце за 1 км на паўночны ўсход ад вёскі Субаўшчыны. Цячэ ў межах Вушацка-Лепельскага ўзвышша.

Даліна на вялікім працягу трапэцападобная, шырынёй 200—300 м. Абалона перарывістая (шырыня 150—200 м), у сярэдняй і ніжняй плыні адсутнічае. Рэчышча ад вытоку на працягу 8 км каналізаванае, на астатнім працягу мерна зьвілістае, шырынёй 10—15 м.

Найвышэйшы ўзровень разводзьдзя ў канцы 3-й дэкады сакавіка, сярэдняя вышыня над межанным узроўнем 2,7 м, найбольшая 3,7 м (1951 год). Замярзае ў сярэдзіне сьнежня, крыгалом у 3-й дэкадзе сакавіка. Веснавы ледаход 6 дзён^[1].