Крушыняны

Крушыня́ны (па-польску: Kruszyniany) — вёска ў Сакольскім павеце Падляскага ваяводзтва Польшчы. Вёска ўваходзіць у склад гміны Крынкі. Адна зь дзьвюх татарскіх вёсак у Сакольскім павеце. Знаходзіцца за 3 км на захад ад беларускай граніцы.

Крушыняны
польск. Kruszyniany
Краіна:	Польшча
Ваяводзтва:	Падляскае
Павет:	Сакольскі
Гміна:	Крынкі
Насельніцтва:	83 чал. (2011)
Часавы пас:	UTC+1
летні час:	UTC+2
Тэлефонны код:	(+48) 85
Паштовы індэкс:	16-100
Нумарны знак:	BSK
Геаграфічныя каардынаты:	53°10′43.36″ пн. ш. 23°48′49.14″ у. д.
Крушыняны на мапе Польшчы Крушыняны
Галерэя здымкаў у Вікісховішчы

Гісторыя

Кароль Ян Сабескі падараваў татарам вёскі Крушыняны, а таксама вёскі Нятупа і Лужаны (як частку вёсак Панятовічы) за ўдзел у вайне з туркамі, паводле ж легенды — за выратаваньне ў 1683 годзе каралеўскага жыцьця ў бітве пад Парканамі^[1].

У 1940—1945 гадах цэнтар Крушынянскага сельсавету Крынкаўскага раёну Беластоцкай вобласьці БССР, з 20 верасьня 1944 году — Бераставіцкага раёну Гарадзенскай вобласьці.

16 жніўня 1945 году перададзены ў склад Польскай Народнай Рэспублікі^[2].

Насельніцтва

У 1980 годзе ў вёсцы пражывалі 289 чалавек, зь іх 33 — мусульмане, астатнія ж каталікі і праваслаўныя.

У 2006 годзе ў вёсцы пражывала каля 160 чалавек. У 2011 — 83 чалавекі. Размаўляюць на польска-беларускай зьмяшанай гаворцы.

Славутасьці

• Крушынянскі мячэт (18 ст.) — адзін з найстарэйшых мячэтаў у Польшчы, рэгістрацыйны нумар: A-62, 03/11/1960 год.
• Татарскія могілкі (17 ст.) рэгістрацыйны нумар: A-63, 31.12.1986 год^[3].
• Праваслаўная царква Сьвятой Ганны

• 
  Крушыняны
• 
  Мячэт
• 
  Праваслаўная царква Сьвятой Ганны
• 
  Татарскія могілкі
• 
  Татарскія могілкі

Асобы

• Пятрусь Макаль (1932—1996) — беларускі паэт, драматург, перакладчык.