Крывы Рог (рака)

Крывы́ Рог (у каналізаванай частцы Бярве́нская канава) — рака ў Беларусі і Ўкраіне, левы прыток ракі Убарці (басэйн Дняпра). Даўжыня 18 км, у межах Беларусі 10 км. Плошча вадазбору 142 км². Сярэдні нахіл воднай паверхні 1,3‰.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Крывы Рог.

Рака

Крывы Рог
Агульныя зьвесткі
Выток	Оўруцкі раён (Украіна)
Вусьце	Убарць
Краіны басэйну	Беларусь, Украіна
Вобласьці	Оўруцкі раён і Лельчыцкі раён
Даўжыня	18 км
Плошча басэйну	142 км²
Нахіл воднай паверхні	1,3 ‰

Пачынаецца на тэрыторыі Оўруцкага раёну Жытомірскай вобласьці за 7 км на паўднёвы ўсход ад граніцы зь Беларусяй, вусьце за 8 км на паўночны ўсход ад вёскі Глушкавічы Лельчыцкага раёну Гомельскай вобласьці. На працягу 8,4 км ад вытоку мае каналізаванае рэчышча^[1].