Крыстаф Крамэр

Крыстаф Крамэр (па-нямецку: Christoph Kramer; нар. 19 лютага 1991 году, Золінген, Нямеччына) — нямецкі футбаліст, паўабаронца. Мае на сваім рахунку выступы ў складзе нацыянальнай зборнай Нямеччыны, зь якой станавіўся чэмпіёнам сьвету.

Крыстаф Крамэр
Пэрсанальная інфармацыя
Нарадзіўся	19 лютага 1991(1991-02-19)[1][2][3] (34 гады) Золінген[d], Дусэльдорф[d], Паўночны Райн — Вэстфалія, Нямеччына
Рост	189 см
Вага	82 кг
Пазыцыя	паўабаронца
Клюбы
Гады	Клюб	Гульні (галы)¹
2009—2011	Баер Левэркузэн II[d]	27 (0)
2011—2016	Баер Левэркузэн	28 (0)
2011—2013	→ Бохум	61 (4)
2013—2015	→ Барусія Мёнхэнглядбах	63 (5)
2016—2024	Барусія Мёнхэнглядбах	180 (5)
Зборныя
2010—2012	Нямеччына (да 20)[d]	4 (1)
2014—2016	Нямеччына	12 (0)

Кар’ера

Клюбная

Крыстаф Крамэр пачаў сваю кар’еру ў сыстэме «Баеру», куды трапіў у дзевяцігадовым узросьце^[4]. У 2010 годзе ён быў пераведзены ў другую каманду «Баеру»^[4]. Праз сэзон Крыстафа вярнулі ў першую каманду і адразу ж адправілі ў арэнду ў клюб «Бохум». У складзе клюбу другой бундэсьлігі Крыстаф за два сэзоны правёў шэсьцьдзесят адзін матч і забіў чатыры галы. Пасьля вяртаньня з «Бохуму» ён быў ізноў адпраўлены ў арэнду, гэты разам у мёнхэнглядбаскую «Барусію»^[5]. Ягоны дэбют у Бундэсьлізе адбыўся 9 жніўня 2013 году ў матчы супраць мюнхэнскай «Баварыі»^[6]. А свой першы гол у найвышэйшай лізе Крыстаф забіў у сустрэчы з «Гановэрам» 17 жніўня^[7]. Пасьля гэтага сэзону атрымаў запрашэньне ў нацыянальную зборную Нямеччыны.

Міжнародная

Ягоны дэбют за нацыянальную зборную Нямеччыны адбыўся 13 траўня 2014 году ў матчы супраць Польшчы^[8]. Гулец трапіў у склад зборнай на чэмпіянат сьвету 2014^[9][10].

Дасягненьні

Нямеччына:

• Чэмпіён сьвету: 2014