Кул-Шарыф (мячэт)

Мячэт Кул-Шарыф — найвялікшы мячэт у Расеі і Эўропе.

Кул-Шарыф

Пачаткова быў пабудаваны ў Казанскім Крамлі ў XVI стагодзьдзі. Названы ў гонар імама Кул-Шарыфа, які служыў там. Уключаў у сябе 8 мінарэтаў у форме копулаў і шатроў. Канструкцыя мячэту была традыцыйнай для Волскай Булгарыі, і гэтаксама ўтрымоўвала элементы раньняга Адраджэньня і Атаманскай архітэктуры. У 1552 годзе, падчас штурму Казані Кул-Шарыф быў разбураны маскавітамі.

Татарскія навукоўцы мяркуюць, што пэўныя элементы мячэту ўжыты ў аздабленьні Храму Васіля Блажэннага ў Маскве (8 мінарэтаў, цэнтральны копул, нетыповы для расейскай архітэктуры). З 1996 году вяліся працы па аднаўленьні мячэту ў казанскім крамлі. Урачыстае адкрыцьцё мячэту 24 ліпеня 2005 году адзначыла пачатак сьвяткаваньня тысячагодзьдзя Казані.

Вонкавыя спасылкі

• Афіцыйны сайт