Курэсаарэ

Курэсаарэ (па-эстонску: Kuressaare) — горад у Эстоніі, які месьціцца на востраве Саарэмаа, найбуйнейшы населены пункт і адміністрацыйны цэнтар павету Саарэмаа. Былая назва гораду да 1917 году — Арэнсбург (ням. Arensburg). У 1952—1988 гадох горад меў назоў Кінгісэп (эст. Kingissepa). У горадзе месьціцца марская гавань і аднайменны аэрапорт.

Курэсаарэ
эст. Kuressaare
Герб Курэсаарэ Сьцяг Курэсаарэ
Першыя згадкі:	1381
Краіна:	Эстонія
Павет:	Саарэмаа
Плошча:	14,95 км²
Насельніцтва (2012)
колькасьць:	13 441 чал.[1]
шчыльнасьць:	899,06 чал./км²
Часавы пас:	UTC+2
летні час:	UTC+3
Тэлефонны код:	+372
Паштовы індэкс:	93813
Нумарны знак:	K
Геаграфічныя каардынаты:	58°15′12″ пн. ш. 22°29′10″ у. д.
Курэсаарэ на мапе Эстоніі Курэсаарэ
Галерэя здымкаў у Вікісховішчы
http://www.kuressaare.ee/

Гісторыя

Сучасны Курэсаарэ разьмешчаны на месцы былога замка сьвятароў, упершыню згаданага ў летапісах ад 1381 году. У 1559 годзе ён быў прададзены Дацкаму каралеўству, пасьля чаго 8 траўня 1563 году яму была прадастаўленая гарадзкая хартыя й адпаведна статус гораду па прыкладзе Рыгі. Паводле Брэмсэбрускай дамовы 1645 году горад быў перададзены пад кіраваньне Швэдзкага каралеўства, пад юрысдыкцыяй якога і знаходзіўся да 1721 году.

Упершыню швэдзкі кантроль над горадам і востравам быў спынены ў 1710 годзе, калі расейская армія 15 (26) жніўня спаліла горад, які тады насіў назоў Арэнсбург, паколькі асноўную масу ягоных жыхароў складалі балтыйскія швэды, немцы й датчане. У 1721 годзе паводле Ніштадзкай дамовы горад афіцыйна ўвайшоў у склад Расейскай імпэрыі.

Славутасьці

• Стары горад
• Эпіскапскі замак
• Мэмарыяльны музэй Ёханэса Аавіка