Кіра Зварыкіна

Кі́ра Аляксе́еўна Звары́кіна (29 верасьня 1919, Мікалаеў — 6 верасьня 2014^[1], Масква, Расея) — беларуская савецкая шахматыстка, гросмайстарка (1978). Заслужаная майстрыха спорту СССР (1957).

Кіра Зварыкіна
Імя	Кіра Аляксееўна Зварыкіна
Краіна	СССР→  Беларусь
Нарадзілася	29 верасьня 1919 Мікалаеў
Памерла	6 верасьня 2014 (94 гады) Масква
Званьне	жаночая гросмайстарка[d], жаночая міжнародная майстарка[d], майстарка спорту СССР па шахматах[d] і міжнародны судзьдзя[d]
Максымальны рэйтынг	2295 (студзень 1990)
Кіра Зварыкіна ў Вікісховішчы

Вікіпэдыя мае артыкулы пра іншых асобаў з прозьвішчам Зварыкін.

Жыцьцяпіс

У 1920-х сям’я пераехала ў Ленінград, дзе Кіра займалася шахматамі ў Доме піянэраў. Навучалася ў Ленінградзкім інстытуце кінаінжынэраў(d).

У 1953—1999 жыла ў Менску. Шмат гадоў вяла перадачу «Пра шахматы і шахматыстаў» на Беларускім тэлебачаньні, а таксама шахматны аддзел у газэце «Вечерний Минск».

З 1999 року — у Маскве.

Спартовая кар’ера

Кіра Зварыкіна (зьлева) і Вольга Рубцова ў 1957 року

Чэмпіёнка Менску (1956) і Беларускай ССР (1970, 1973, 1975)^[2]. Удзельніца 20 чэмпіянатаў СССР; чэмпіёнка краіны (1951, 1953 і 1956). Найлепшыя вынікі ў іншых чэмпіянатах: 1950 — 3-е, 1957 — 1—2-е (прагуляла дадатковы матч Валянціне Барысенцы — ½ : 2½), 1958 — 1—2-е (прагуляла дадатковы матч Ларысе Вольперт — 1½ : 2½); 1962 — 4-е месцы. Чэмпіёнка Ленінграду (1948), неаднаразовая пераможца чэмпіянатаў БССР (1970, 1973, 1975)^[3] і ВС СССР. Чэмпіёнка Менску (1956). Удзельніца турніраў прэтэндэнтак; 1952 — 4—6-е месцы; 1955 — 4-е; 1959 — 1-е; 1961 — 3-е; 1964 — 4—5-е месцы.

У 1960 року ў Маскве прагуляла матч на першынства сьвету Лізавеце Быкавай — 4½ : 8½. У складзе зборнай каманды СССР пераможца Алімпіядаў 1957 і 1963 рокаў. Найлепшыя вынікі ў іншых міжнародных спаборніцтвах: Тбілісі (1960) — 5—6-е; Тбілісі — Батумі (1961) — 3—5-е; Кіеў (1967) — 5—6-е места.

У 1968—1970 роках узначальвала фэдэрацыю шахматаў Беларускай ССР. Міжнародны арбітар (1977), міжнародная гросмайстарка (1978).

Дасягненьні

• Чэмпіёнка СССР 1951, 1953, 1956 рокаў.
• Пераможца Сусьветных алімпіядаў 1957 і 1963 рокаў у складзе зборнай СССР.

Сям’я

Кіра была шостым дзіцем у сям’і з васьмі дзяцей. Унучатая пляменьніца вынаходніка Ўладзімера Зварыкіна.

З мужам — гросмайстрам Аляксеем Суэціным — мелі сына Аляксандра. Разьвяліся ў 1961 року.

Прэміі і ўзнагароды

• Ордэн «Знак Пашаны» (1957).

Бібліяграфія

• В рядах шахматной гвардии. — Минск : Полымя, 1984. — 208 с.

Гісторыя рэйтынгу

Зьмяненьні Эла^[4]