Кірхэ-ам-Штайнгоф

Кірхэ-ам-Штайнгоф (па-нямецку: Kirche am Steinhof) — каталіцкі касьцёл, які месьціцца ў венскім раёне Пэнцынг на тэрыторыі псыхіятрычнага шпіталю Штайнгоф. Будынак быў пабудаваны па праекце венскага архітэктара Ота Вагнэра і лічыцца адным з самых выбітных будынкаў стылю югендстыль у сьвеце^[2]. Вядомая таксама пад назовам царква Сьвятога Леапольда.

Сабор
Кірхэ-ам-Штайнгоф ням. Kirche am Steinhof
Краіна	Аўстрыя
Горад	Вена
Каардынаты	48°12′37.8″ пн. ш. 16°16′43.68″ у. д.
Канфэсія	каталіцтва
Эпархія	арцыбіскупства Вены[d]
Тып будынка	касьцёл
Архітэктурны стыль	мадэрн
Аўтар праекту	Ота Вагнэр
Дата заснаваньня	1907
Будаваньне	1903—1907 гады
Статус	аб’ект архітэктурнай спадчыны Аўстрыі[d][1]
Стан	дзейны
Сайт	Афіцыйны сайт
Кірхэ-ам-Штайнгоф на мапе Аўстрыі Кірхэ-ам-Штайнгоф
Кірхэ-ам-Штайнгоф на Вікісховішчы

Гісторыя

У 1902 годзе Ота Вагнэр выйграў першы прыз у конкурсе на будаўніцтва псыхіятрычнай бальніцы ў Гютэльдорфе, аднак ён пабудаваў толькі царкву сьвятога Леапольда, якая цяпер лічыцца адной з выбітных цэркваў ХХ стагодзьдзя^[3].

Макет царквы быў выстаўлены ў 1903 годзе падчас 23-й выставы ў палацы «Венскай сэцэсіі». Будаўніцтва пачалося ў чэрвені 1905 году. Ота Вагнэру дапамагалі шмат выдатных майстроў, як то Коляман Мозэр рабіў вітражы і мазаіку, Ітмар Шымкавіц — статуі анёлаў, скульптарам быў Рыхард Лукш. Царква была адчынена 8 кастрычніка 1907 году^[2].