Кірыякас Міцатакіс

Кірыя́кас Міцата́кіс (па-грэцку: Κυριάκος Μητσοτάκης; нар. 4 сакавіка 1968, Атэны) — грэцкі палітык, прэзыдэнт Партыі «Новая дэмакратыя» са студзеня 2016 году і лідэр апазыцыі з 2016 па 2019 год. Міністар адміністрацыйных рэформаў і электроннага кіраваньня з 2013 па 2015 год. Сябар парлямэнту Грэцыі з 2004 году. Займаў пасаду прэм’ер-міністра Грэцыі з 8 ліпеня 2019 году^[5] па 25 траўня 2023 году.

Кірыякас Міцатакіс
па-грэцку: Κυριάκος Μητσοτάκης
міністар па справах адміністрацыйнай рэформы і электроннага ўрада Грэцыі[d]
24 чэрвеня 2013 — 27 студзеня 2015
лідэр апазыцыі Грэцыі[d]
11 студзеня 2016 — 8 ліпеня 2019
Папярэднік	Яніс Плякіятакіс[d]
Наступнік	Алексіс Цыпрас
прэм’ер-міністар Грэцыі[d]
8 ліпеня 2019 — 25 траўня 2023
Папярэднік	Алексіс Цыпрас
Наступнік	Яаніс Сармас[d]
прэм’ер-міністар Грэцыі[d]
з 26 чэрвеня 2023
Папярэднік	Яаніс Сармас[d]
President of the New Democracy[d]
з 11 студзеня 2016
Папярэднік	Яніс Плякіятакіс[d]
Асабістыя зьвесткі
Нарадзіўся	4 сакавіка 1968(1968-03-04)[1][2][3] (57 гадоў) Атэны, Грэцыя
Партыя	Новая дэмакратыя[4]
Адукацыя	Гарвардзкі ўнівэрсытэт (1990) Стэнфардзкі ўнівэрсытэт (1993) Атэнскі каледж[d] (1986) Гарвардзкая школа бізнэсу[d] (1996)
Сужэнец	Марэва Грабоўскі-Міцатакіс[d]
Дзеці	Сафія Міцатакіс[d], Канстантынас Міцатакіс[d] і Дафнэ Міцатакіс[d]
Бацька	Канстантынас Міцатакіс[d]
Маці	Марыка Міцатакіс[d]
Узнагароды	прэмія Томаса Гупса[d]
Подпіс
Сайт	nd.gr/mitsotakis-… (грэцк.)

Жыцьцяпіс

Сын былога прэм’ер-міністра Грэцыі і ганаровага прэзыдэнта «Новай дэмакратыі» Канстантынаса Міцатакіса, малодшы брат былога міністра замежных спраў і мэра Атэн Доры Бакаяні.

Скончыў факультэт сацыяльных навук у Гарвардзкім унівэрсытэце (1990), атрымаў ступень магістра па міжнародных адносінах у Стэнфардзкім унівэрсытэце (1993 г.) і ступень MBA ў Гарвардзкай школе бізнэсу (1995).

Працаваў фінансавым аналітыкам Chase Investment Bank і кансультантам McKinsey and Company ў Лёндане. У 1997 годзе далучыўся да Alpha Ventures ў Грэцыі ў якасьці старэйшага супрацоўніка па інвэстыцыях, у 1999 годзе стаў галоўным выканаўчым дырэктарам NBG Venture Capital.

У 2003 годзе Сусьветны эканамічны форум уключыў яго ў лік «100 самых пэрспэктыўных лідэраў заўтрашняга дня»^[6].

Жанаты, мае траіх дзяцей. Акрамя роднай грэцкай мовы, гаворыць ангельскай, францускай і нямецкай мовамі.