Лазар Весялінавіч

Ла́зар Весялі́навіч (па-сэрбску: Lazar Veselinović; нар. 4 жніўня 1986 году, Новы Сад, СФРЮ) — колішні сэрбскі футбаліст, нападнік.

Лазар Весялінавіч
Пэрсанальная інфармацыя
Нарадзіўся	4 жніўня 1986(1986-08-04)[1] (38 гадоў) Новы Сад, Сацыялістычная Рэспубліка Сэрбія, СФРЮ
Рост	187 см
Вага	85 кг
Пазыцыя	нападнік
Клюбы
Гады	Клюб	Гульні (галы)¹
2004—2005	ЧСК Півара[d]	9 (1)
2006—2008	Інджыя[d]	13 (0)
2007—2008	→ Біг Бул Бачынцы[d]	11 (2)
2008—2009	Паліч[d]	24 (11)
2009—2010	Спартак Субаціца	5 (0)
2009—2010	→ ЧСК Півара[d]	16 (8)
2010—2011	→ Пролетэр Нові Сад	8 (1)
2011	Млады Раднік[d]	16 (6)
2012—2013	Хайдук Кула[d]	42 (18)
2013	→ Дынама Менск	12 (3)
2014—2016	Ваяводзіна Нові Сад	27 (12)
2015	→ Пхохан Стылерз[d]	16 (0)
2016	Пхохан Стылерз[d]	25 (4)
2017	Мэзэкёвэшд	22 (2)
2018	Рад	8 (1)
2018—2019	Пролетэр Нові Сад	0 (0)

Біяграфія

Распачаў кар’еру ў клюбе «Півара», доўгі час гуляў за сэрбскія клюбы зь ніжэйшых дывізіёнаў. У чэмпіянаце Сэрбіі 2012—2013 гадоў, гуляючы за «Хайдук» Лазар стаў трэцім бамбардзірам лігі, забіўшы 17 мячоў^[2]. Паводле вынікаў сэзону Весялінавіч увайшоў у сымбалічную зборную чэмпіянату. Улетку 2013 году паводле дамовы арэнды перайшоў у склад менскага «Дынама»^[3]. У першым жа сваім матчы за беларускі клюб супраць «Гомелю», Лазар адзначыўся забітым мячом^[4]. Гулец стаўся адным з герояў клюбу, забіўшы ў дзьвюх сустрэчах супраць харвацкай «Лякаматывы» ў рамках Лігі Эўропы 3 мячы агулам і асыставаўшы свайму партнэру Эрнану Фігерэда. Такім чынам «дынамаўцы» прайшлі ў 3-і кваліфікацыйны раўнд, дзякуючы большай колькасьці галоў у гасьцёх (1:2, 3:2). Па заканчэньні арэнды пакінуў менскае «Дынама» і перайшоў у «Ваяводзіну» (Нові Сад)^[5].