Леан Гаванке

Ле́ан Гаванке (па-нямецку: Leon Gawanke; нар. 31 траўня 1999 году) — нямецкі хакеіст, абаронца клюбу «Адлер Мангайм» і нацыянальнай зборнай Нямеччыны.

Леан Гаванке
Грамадзянства	Нямеччына
Дата нараджэньня	31 траўня 1999(1999-05-31) (26 гадоў)
Месца нараджэньня	Бэрлін, Нямеччына
Клюб	Адлер Мангайм
Выступаў за	Манітоба Мус Айсбэрэн Сан-Хасэ Баракуда
Драфт НХЛ	136, 2017 Вініпэг Джэтс
Гульнявая кар’ера	2019 — цяпер

Кар’ера

Гулец займаўся хакеем у родным Бэрліне, пасьля чаго яшчэ юнаком далучыўся да клюбу Квэбэцкае галоўнае юніёрскае хакейнае лігі. Пасьля сэзону за акіянам у 2017 годзе быў абраны на драфце НХЛ клюбам «Вініпэг Джэтс» у пятым раўндзе пад агульным 136 нумарам^[1]. Пагуляўшы яшчэ некаторы час у Квэбэку, Гаванке ў 2019 годзе склаў кантракт пачаткоўца «Вініпэг Джэтс»^[2], але адразу выправіўся да шэрагаў фарм-клюбу «Манітоба Мус» з Амэрыканскае хакейнае лігі. У міжсэзоньне 2020 году на некаторы час вярнуўся ў родны «Айсбэрэн», у якім дэбютаваў у айчынным першынстве. Згуляўшы шэсьць матчаў зноўку накіраваўся да Манітобы. Пасьля сэзону 2022—2023 гадоў як вольны агент склаў чатырохгадовы кантракт з клюбам «Адлер Мангайм»^[3].

Праз два месяцы правы на гульца ў НХЛ былі абмененыя «Вініпэг Джэтс» у «Сан-Хасэ Шаркс» на Арцемія Князева^[4]. Праз тры дні гулец склаў дамову з «акуламі»^[5], далучыўшыся да фарм-клюбу каманды «Сан-Хасэ Баракуда». 8 лютага 2024 году скасаваў кантракт з клюбам, пасьля чаго далучыўся да клюбу «Адлер Мангайм»^[6].