Лепельскі замак

Лепельскі замак — помнік гісторыі і абарончай архітэктуры ў Лепелі. Знаходзіўся на высьпе Лепельскага возера, насупраць вёскі Старога Лепеля^[a]. Існаваў у XVI ст.

Помнік абарончай архітэктуры
Лепельскі замак
Краіна	Беларусь
Места	Лепель
Дата заснаваньня	XVI ст.

Гісторыя

За часамі Інфлянцкай вайны (1558—1583) па захопе Полацку маскоўскія войскі ў 1563 годзе прыйшлі ў ваколіцы Лепеля, выпалілі іх, а ў самім месьце збудавалі сваю крэпасьць, якую аднак, у тым жа годзе зьнішчыў Мікалай Радзівіл «Чорны». У 1568 годзе ў сваю чаргу полацкі кашталян Юры Зяновіч на загад Жыгімонта Аўгуста заклаў у Лепелі новы замак.

Архітэктура

Замак быў прастакутным у пляне, зь яго бакоў узвышаліся кутнія вежы. 3 паўночнага боку ад места яго аддзяляў шырокі роў, які часткова запаўняўся вадой з возера. Каля замка пад яго аховай знаходзіўся гандлёвы порт^[2].

Заўвагі

1. Паводле іншых зьвестак, займаў пляцоўку на паўвысьпе, што ўтваралі рэкі Ула і Эса, ад напольнага боку яго аддзяляў роў, рэшткі якога было відаць яшчэ ў першай трэці XX ст.^[1].