Лерой Фэр

Лерой Ёган Фэр (па-нідэрляндзку: Leroy Johan Fer; нар. 5 студзеня 1990 году, Зутэрмээр, Нідэрлянды) — нідэрляндзкі футбаліст, паўабаронца. Былы гулец нацыянальнай зборнай Нідэрляндаў. Бацькі Лероя паходзяць зь Нідэрляндзкіх Антылаў.

Лерой Фэр
Пэрсанальная інфармацыя
Нарадзіўся	5 студзеня 1990(1990-01-05)[1][2] (35 гадоў) Зутэрмээр[d], Паўднёвая Галяндыя, Нідэрлянды
Рост	188 см
Вага	85 кг
Пазыцыя	паўабаронца
Клюбы
Гады	Клюб	Гульні (галы)¹
2007—2011	Фэеноорд	103 (14)
2011—2013	Твэнтэ	58 (13)
2013—2014	Норыдж Сіці	30 (3)
2014—2016	Кўінз Парк Рэйнджарз	48 (8)
2016	→ Сўонсі Сіці	11 (0)
2016—2019	Сўонсі Сіці	79 (8)
2019—2021	Фэеноорд	49 (2)
2021—2024	Аланьяспор	81 (2)
2024—2025	Аль-Наср[d]	23 (1)
Зборныя
2007—2009	Нідэрлянды (да 19)[d]	15 (2)
2009—2013	Нідэрлянды (да 21)[d]	31 (6)
2010—2014	Нідэрлянды	11 (1)

Кар’ера

Клюбная

Упершыню Фэр зьявіўся ў асноўнай камандзе «Фэеноорда» ў сэзоне 2007—2008 гадоў. 2 сьнежня Лерой дэбютаваў у Эрэдывізіі пад кіраўніцтвам Бэрта ван Марвэйка. Ва ўзросьце 17 гадоў Лерой на 84-й хвіліне замяніў Нуры Шахіна ў матчы супраць «Гэраклеса» (6:0)^[3]. Праз чатыры дні, 6 сьнежня, Лерой падпісаў свой ​​першы прафэсійны кантракт з «Фэеноордам» да лета 2012 году. У сэзоне 2008—2009 гадоў Фэр паступова стаў гульцом асноўнага складу, гуляючы ў зоне атакуючага паўабаронцы пад Роем Макааем. 18 верасьня 2008 году Фэр дэбютаваў на эўрапейскай арэне ў Кубку УЭФА ў матчы супраць швэдзкага «Кальмара». У сэзоне 2009—2010 гадоў гулец стаў ключавой фігурай каманды, вярнуўшыся на пазыцыю апорнага паўабаронцы.

Сэзон 2011—2012 гадоў Фэр пачаў з двух галоў у стартавых чатырох матчах чэмпіянату Нідэрляндаў, пасьля чаго 1 верасьня 2011 году перайшоў у «Твэнтэ», падпісаўшы кантракт па схеме «3+1»^[4]. 13 ліпеня 2013 году Фэр падпісаў кантракт з ангельскім клюбам «Норыдж Сіці»^[5], аднак у першым жа сэзоне «канаркі» занялі 18 месца ў чэмпіянаце й пакінулі Прэм’ер-Лігу.

20 жніўня 2014 году, было абвешчана, што Фэр далучыцца да клюбу «Кўінз Парк Рэйнджарз», склаўшы зь ім трохгадовы кантракт. Трансфэр гульца каштаваў лёнданскай камандзе 8 млн фунтаў^[6].

Міжнародная

26 жніўня 2009 году Фэр абвесьціў, што ён прыняў канчатковае рашэньне й аддаў перавагу выступам за нацыянальную зборную Нідэрляндаў на міжнароднай арэне^[7], у складзе якой дэбютаваў 11 жніўня 2010 году ў таварыскай гульні супраць зборнай Украіны (1:1). Да гэтага Фэр меў магчымасьць выступаць за зборную Нідэрляндзкіх Антыльскіх астравоў.

Дасягненьні

«Фэеноорд»:

• Уладальнік Кубка Нідэрляндаў: 2008