Лубянка (Палескі раён)

Лубянка (па-ўкраінску: Луб’янка) — былая вёска ў Палескім раёне Кіеўскай вобласьці Ўкраіны. У цяперашні час у Лубянцы пражываюць толькі самасёлы.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Лубянка.

Лубянка
укр. Луб’янка
Першыя згадкі:	17 стагодзьдзе
Краіна:	Украіна
Вобласьць:	Кіеўская
Раён:	Палескі
Насельніцтва:	12 чал. (2005)
Часавы пас:	UTC+2
летні час:	UTC+3
Геаграфічныя каардынаты:	51°17′0″ пн. ш. 29°44′0″ у. д.
Лубянка на мапе Ўкраіны Лубянка

Гісторыя

Сяло вядомае зь першай паловы XVII стагодзьдзя. У сяле існавала драўляная Сьвята-Мікалаеўская царква, час заснаваньня якой невядомы. Сяло Лубянка знаходзілася за 36 км ад раённага цэнтру Палескае. У сярэдзіне XX стагодзьдзя ў сяле мешкала каля 1000 чалавек і працавала васьміклясная школа. Існуюць зьвесткі, што Лубянка была цэнтрам ганчарства гэтага раёну. У сяле нават казалі:

	Дзяўчына замуж ня выйдзе за хлопца, які гаршка ня ўмее зьляпіці[1].

У 1986 годзе пасьля катастрофы на Чарнобыльскай АЭС насельніцтва сяла было пераселена ў новазбудаванае сяло Лубянка, якое знаходзіцца ў Васількоўскім раёне Кіеўскай вобласьці.

На пачатак 2010 году паводле зьвестак украінскай паэткі Ліны Кастэнка, якая бывала ў гэтай вёсцы, насельніцтва складала ўсяго 6 чалавек^[2].