Лука Модрыч

Лука Модрыч (па-харвацку: Luka Modrić; нар. 9 верасьня 1985 году, Задар, СФР Югаславія) — харвацкі футбаліст, паўабаронца клюбу «Рэал» і нацыянальнай зборнай Харватыі.

Лука Модрыч
Пэрсанальная інфармацыя
Нарадзіўся	9 верасьня 1985(1985-09-09)[1][2][3] (39 гадоў) Задар, Сацыялістычная рэспубліка Харватыі, СФРЮ[4]
Рост	174 см
Вага	65 кг
Пазыцыя	цэнтральны паўабаронца, атакуючы паўабаронца
Клюбная інфармацыя
Клюб	Мілян
Нумар	14
Клюбы
Гады	Клюб	Гульні (галы)¹
2003—2008	Дынама Заграб	94 (27)
2003—2004	→ Зрынскі Мостар	22 (8)
2004—2005	→ Інтэр Запрэшыч	18 (4)
2008—2012	Тотэнгэм Готспур	127 (13)
2012—2025	Рэал Мадрыд	394 (30)
2025—4	Мілян	0 (0)
Зборныя
2006—4	Харватыя	188 (28)
¹ Колькасьць гульняў і галоў за прафэсійны клюб лічыцца толькі для нацыянальнай лігі. ² Колькасьць гульняў і галоў за нацыянальную зборную ў афіцыйных матчах, адкарэктавана на 10 чэрвеня 2025.

Біяграфія

У 2002 годзе, ва ўзросьце 16 гадоў Лука Модрыч падпісаў кантракт з заграбскім «Дынама», але, правёўшы адзін сэзон за моладзевы склад, быў аддадзены ў арэнду клюбу басьнійскіх харватаў «Зрынскі» з Мостару, дзе ён хутка паказаў свой патэнцыял, стаўшы найлепшым гульцом году ў басьнійскай прэм’ер-лізе, пры тым, што тады яму было ўсяго 18 гадоў. У наступным годзе ён быў аддадзены ў арэнду харвацкаму «Інтэру» з гораду Запрэшыч, дзе ён быў названы «футбольнай надзеяй Харватыі». Вярнуўшыся ў заграбскае «Дынама» ў 2005 годзе Модрыч падоўжыў свой кантракт да 2015 году.

26 красавіка 2008 году Модрыч падпісаў папярэдняе пагадненьне з ангельскім клюбам «Тотэнгэм», згодна зь якім гулец павінен прайсьці мэдычны агляд й атрымаць дазвол на працу ў Вялікабрытаніі. Асноўны кантракт разьлічаны на 6 гадоў, сума трансфэру склала £16,5 млн, гэта рэкордная трансфэрная выплата клюбу, пасьля куплі Дарэна Бэнта ў 2007 годзе.

Улетку 2011 году зьявілася інфармацыя аб зацікаўленасьці ў паслугах Модрыча кіраўніцтва лёнданскага «Чэлсі», але «Тотэнгэм» адмовіўся прадаваць гульца ў «Чэлсі» за £30 млн^[5]. Узімку 2012 году зьявілася інфармацыя аб зацікаўленасьці ў паслугах Модрыча кіраўніцтва «Манчэстэр Юнайтэд», якія прапаноўвалі за хаўбэка 50 мільёнаў фунтаў стэрлінгаў.

27 жніўня 2012 году Модрыч падпісаў кантракт з мадрыдзкім «Рэалам» тэрмінам на пяць гадоў. Гішпанскі клюб заплаціў £35 млн за трансфэр харвата. У 2018 годзе выйграў з футбольным клюбам «Рэал Мадрыд» Лігу чэмпіёнаў, дайшоў да фінала чэмпіянату сьвету. Прызнаны гульцом году паводле вэрсіі ФІФА^[6]. Атрымаў узнагароду «Залаты мяч»^[7].

Дасягненьні

«Дынама»:

• Чэмпіён Харватыі: 2006, 2007, 2008
• Уладальнік Супэркубка Харватыі: 2006
• Уладальнік Кубка Харватыі: 2007, 2008

«Рэал»:

• Чэмпіён Гішпаніі: 2017, 2020, 2022, 2024
• Уладальнік Кубка Гішпаніі: 2014, 2023
• Уладальнік Супэркубка Гішпаніі: 2012, 2017, 2020, 2022, 2024
• Пераможца Лігі чэмпіёнаў: 2014, 2016, 2017, 2018, 2022, 2024
• Уладальнік Супэркубка Эўропы: 2014, 2016, 2017, 2022, 2024
• Пераможца клюбнага чэмпіянату сьвету: 2014, 2016, 2017, 2018, 2022

Індывідуальныя

• Гулец году ФІФА: 2018
• Уладальнік «Залатога мяча»: 2018
• Найлепшы спартовец году паводле вэрсіі AIPS^[8].