Люкас Бэльтран

Лю́кас Бэльтра́н (па-гішпанску: Lucas Beltrán; нар. 29 сакавіка 2001 году) — аргентынскі футбаліст, нападнік італьянскага клюбу «Фіярэнтына». Мае італьянскае паходжаньне^[2].

Люкас Бэльтран
Пэрсанальная інфармацыя
Нарадзіўся	29 сакавіка 2001(2001-03-29)[1] (24 гады) Кордава, Аргентына[1]
Рост	1,76 м
Пазыцыя	нападнік
Клюбная інфармацыя
Клюб	Фіярэнтына
Нумар	9
Клюбы
Гады	Клюб	Гульні (галы)¹
2018—2023	Рывэр Плэйт	46 (16)
2021—2022	→ Калён[d]	18 (3)
2023—4	Фіярэнтына	65 (11)
Зборныя
2024	Аргентына (да 23)[d]	4 (0)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 30 траўня 2025. ² Колькасьць гульняў і галоў за нацыянальную зборную ў афіцыйных матчах, адкарэктавана на 2 жніўня 2024.

Кар’ера

Выхаванец клюбу «Інстытута». У 2016 годзе далучыўся да акадэміі «Рывэр Плэйту», пасьля якой трапіў да асноўнай каманды клюбу. Дэбютаваў у прафэсійным футболе 2 сьнежня 2018 году, зьявіўшыся на поле на замену ў матчы супраць «Хімнасія і Эсгрыма». У ліпені 2021 году далучыўся на правах арэнды да клюбу «Калён»^[3]. 11 ліпеня 2023 году Бэльтран склаў дамову з італьянскай «Фіярэнтынай», якая каштавала флярэнтыйцам 20 мільёнаў эўра плюс дадатковыя выдаткі.