Рывэр Плэйт Буэнас-Айрэс

«Ры́вэр Плэйт» (па-гішпанску: Club Atlético River Plate) — аргентынскі футбольны клюб з гораду Буэнас-Айрэсу, гуляе ў Прафэсійнай футбольнай лізе. Адзін з самых тытуляваных і папулярных футбольных клюбаў краіны. Пры гэтым «Рывэр» зьяўляецца пераможцам Кубка Лібэртадорэс і Міжкантынэнтальнага кубка. У 2010 годзе Міжнародная фэдэрацыя футбольнай гісторыі і статыстыкі разьмясьціла «Рывэр Плэйт» на дзявятым месцы ў рэйтынгу найлепшых камандаў сьвету 1990-х і 2000-х гадоў. Пры гэтым клюб заняў першы радок сярод клюбаў Паўночнай і Паўднёвай Амэрыкаў^[2].

Рывэр Плэйт
Поўная назва	Club Atlético River Plate
Заснаваны	25 траўня 1901
Горад	Буэнас-Айрэс, Аргентына
Стадыён	Манумэнталь Умяшчальнасьць: 66 266
Галоўны трэнэр	Марсэлё Гальярда[d][1]
Чэмпіянат	Прафэсійная футбольная ліга
· 2024	5 месца
Хатнія колеры Выязныя колеры
Галерэя здымкаў у Вікісховішчы cariverplate.com.ar (гішп.)​ (анг.)

Клюб быў афіцыйна заснаваны ў 1901 годзе і атрымаў сваю назву ад ангельскага прамаўленьня мясцовай ракі Рыё-дэ-ля-Плята. «Рывэр Плэйт» мае сталае суперніцтва з «Бока Хуніёрс», матчы паміж імі добра вядомыя як Супэрклясыка. Гэтае супрацьстаяньне зьяўляецца адным з самых падаграваным у спорце ня толькі Аргентыны, але і сусьветнага футболу.

Гісторыя

Згодна з афіцыйнай гісторыяй клюбу, «Рывэр Плэйт» быў заснаваны 25 траўня 1901 году недалёка ад раёну Ля-Бока. Клюб паўстаў у выніку зьліцьця двух клюбаў, «Санта-Роза» і «Ля-Росалес», а першым прэзыдэнтам быў абраны Леапольда Бард. Назва «Рывэр Плэйт» была абраная праз інцыдэнт падчас будаўніцтва порта Буэнас-Айрэсу, бо адзін зь сябраў клюбу пабачыў, як рабочыя на некаторы час адкінулі свае абавязкі, каб згуляць футбольны матч. На скрынях, зь якімі яны працавалі, было наўпрост напісана «Рывэр Плэйт» (анг. The River Plate), то бок назва, якой ангельцы называлі раку Рыё-дэ-ля-Плята. Гэты надпіс быў скарыстаны дзеля назова новага клюбу.

Каманда «Рывэр Плэйту» ў 1908 годзе.

«Рывэр Плэйт» далучыўся да Аргентынскай футбольнай асацыяцыі ў 1905 годзе, дэбютаваўшы ў трэцім дывізіёне. 13 сьнежня 1908 году каманда выйшла ў першы дывізіён пасьля перамогі над «Расінгам» зь лікам 2:1. Аднак матч быў абвешчаны несапраўдным праз тое, што заўзятары «Рывэру» выскачылі на поле, каб адсьвяткаваць дасягненьне разам з гульцамі, таму давялося згуляць новы матч. «Рывэр» зноў перамог, на гэты раз зь лікам 7:0, чым канчаткова забясьпечыў сабе павышэньне ў дывізіёне. Дэбют клюбу ў найвышэйшым дывізіёне прыпаў на 2 траўня 1909 году на матч супраць «Аргентыны» з Кільмэсу. З далучэньнем да Прымэра дывізіёну каманда пачала прыстройвацца ў кушулі з чырвона-бела-чорнымі вэртыкальныя палоскамі замест белай кашулі з чырвонай стужкай, якую мелі дагэтуль.

Першы тытул чэмпіёнаў краіны рывэрцы здабылі ў 1920 годзе пасьля сямі запар чэмпіёнскіх тытулаў «Расінгу». У 1923 годзе «Рывэр Плэйт» пераехаў на новы стадыён у раёне Рэкалета ў Буэнас-Айрэсе. Стадыён разьмяшчаўся на скрыжаваньні праспэкта Альвэар і Тагле. Свае хатнія матчы каманда ладзіла на гэтым стадыёне да 1938 году. З укараненьнем прафэсіяналізму ў футболе ў 1931 годзе «Рывэр Плэйт» набыў правага скрайняга Карляса Пэўсэльле ў 1931 годзе за 10 тысяч даляраў і Бэрнабэ Фэрэйру за 35 тысяч даляраў, што было велізарнымі сумамі ў тыя гады. З гэтае нагоды «Рывэр» атрымаў мянушку «Мільянэры», якая прычапілася да іх і трымаецца ажно да сёньня. Фэрэйра адразу стаў найлепшым бамбардзірам каманды, якая пачала дамінаваць у аргентынскім футболе. 25 траўня 1938 году быў адкрыты стадыён «Манумэнталь», дзе быў згуляны матч паміж «Рывэр Плэйтам» і «Пэньяролем», які «Рывэр» выйграў зь лікам 3:1.

Склад каманды ў адным з матчаў 1945 году.

1940-я гады ўважаюцца за адную з найлепшых эпохаў у гісторыі клюбу. У другой палове дзесяцігодзьдзя вылучаліся маладых гульцы, як то брамнік Амадэо Карыса і цэнтральны нападнік Альфрэда Дзі Стэфана, апошні зь якіх у 1947 годзе ўлучыў 27 галоў у брамы супернікаў. У 1951 годзе «Рывэр» выправіўся ў эўрапейскі тур, а ў наступным годзе каманда стала чэмпіёнам. Гэтая каманда атрымала мянушку «машына», а сярод найбольш важных гульцоў былі Анхэль Лябруна, уругваец Вальтэр Гомэс, Сант’яга Вэрнаса, Элісэо Прада ды брамнік Карыса. У 1953 годзе «Рывэр» здабыў яшчэ адзін тытул, правёўшы 60 галоў і прапусьціўшы толькі 36 галоў. «Рывэр» ня здолеў стаць чэмпіёнам аніводнага разу ў 1960-х гадах, не зважаючы на тое, што ў камандзе не бракавала таленавітых гульцоў. Гэты час уважаецца за найгоршы пэрыяд у гісторыі клюбу, які трываў ажно да 1975 году і быў адзначаны 18-ю гадамі бяз тытулаў. Найлепшым паказьнікам сталічнікаў у тыя гады было другое месца. Тады ў 1962 годзе каманда аддала тытул свайму заклятаму суперніку «Бока Хуніёрс», калі знакаміты пэнальці адбіў Антоніё Рома. Усё зьмянілася ў 1975 годзе, калі галоўным трэнэрам каманды стаў былы ейны гулец Лябруна. Пад ягоным кіраўніцтвам «Рывэр» стаў чэмпіёнам. У 1976 годзе клюб дакрочыў да фіналу Кубка Лібэртадорэс, дзе каманда сустракалася з бразыльскай камандай «Крузэйру». Пасьля таго, як два матчы скончыліся перамогай кожнай з камандаў, трэцяя гульня была згуляная ў чылійскім Сант’яга, дзе бразыльцы выгулялі «Рывэр» зь лікам 3:2.

Стадыён

Стадыён «Манумэнталь» месьціцца ў раёне Бэлграна Буэнас-Айрэсу. Ён быў адкрыты 25 траўня 1938 году, а ягоная цяперашняя ўмяшчальнасьць складае 85 018 гледачоў па рэканструкцыі, скончанай у 2025 годзе. Акрамя ўласна самога клюбу тут звычайна ладзіць свае хатнія матчы зборная Аргентыны па футболе.

Панарама «Манумэнталю».

Дасягненьні

Першая эмблема клюбу.

• Чэмпіён Аргентыны: 38
  • 1920, 1932, 1936, 1936, 1937, 1941, 1942, 1945, 1947, 1952
  • 1953, 1955, 1956, 1957, 1975(М), 1975(Н), 1977(М), 1979(М), 1979(Н), 1980(М)
  • 1981(Н), 1986, 1990, 1991(А), 1993(А), 1994(А), 1996(А), 1997(А), 1997(К), 1999(А)
  • 2000(К), 2002(К), 2003(К), 2004(К), 2008(К), 2014(Ф), 2021, 2023

• Уладальнікі Кубка Аргентыны: 3
  • 2016, 2017, 2019

• Уладальнікі Кубка прафэсійнай лігі Аргентыны: 2
  • 2021, 2023

• Уладальнікі Супэркубка Аргентыны: 2
  • 2017, 2019

• Уладальнікі Кубка Лібэртадорэс: 3
  • 1986, 1996, 2015

• Уладальнікі Міжкантынэнтальнага кубка: 1986
• Уладальнікі Супэркубка Паўднёвай Амэрыкі: 1997
• Уладальнікі Паўднёваамэрыканскага кубка: 2014
• Уладальнікі Рэкопы Паўднёвай Амэрыкі: 2015
• Уладальнікі Міжамэрыканскага кубка: 1987

• Удакладненьне: А — Апэртура, К — Кляўсура, М — Мэтрапалітана, Н — Насьяналь, Ф — Фіналь

Склад

Актуальны на 17 верасьня 2025 году

№ Пазыцыя Імя Год нараджэньня 1 Бр Франка Армані  1986 2 Аб Фэдэрыка Гатоні  (ар. Сэвільля) 1999 4 Аб Гансалё Мантыель 1997 5 Аб Хуан Партыльлё  2000 6 Аб Хэрман Пэсэльля  1991 7 Нап Максіміляна Саляс  1997 8 Нап Максіміляна Мэса  1992 9 Нап Мігель Борха  1993 10 ПА Хуан Кінтэра 1993 11 Нап Факунда Калідыё  2000 13 Аб Ляўтара Рывэра  2003 14 Аб Сэбастыян Басэльлі  2003 15 Нап Сэбастыян Дрыюсі  1996 16 Аб Фабрысіё Бустас  1996 17 Аб Паўлё Дыяс  1994 18 ПА Піці Мартынэс  1993

№ Пазыцыя Імя Год нараджэньня 20 Аб Мільтан Каска  1988 21 Аб Маркас Акуньня  1991 22 ПА Кевін Кастаньнё  2000 23 ПА Матыяс Галярса  2002 24 ПА Энса Пэрэс (капітан) 1986 25 Бр Хэрэміяс Ледэсма  1993 26 ПА Нача Фэрнандэс  1990 27 Нап Баўтыста Дадын 2006 28 Аб Люкас Куарта  1996 29 Нап Алекс Войскі  2006 32 Нап Агустын Рубэрта  2006 34 ПА Джуліяна Галёпа  (ар. Сан-Паўлу) 1999 38 Нап Ян Субіябрэ  2007 39 ПА Сант’яга Ленсына  2005 47 ПА Хуан Крус Мэса  2008