Люкас Пападэмас

Люка́с Пападэ́мас (па-грэцку: Λουκάς Παπαδήμος; 11 лістапада 1947 году) — грэцкі эканаміст, які займаў пасаду прэм’ер-міністра Грэцыі зь лістапада 2011 году па травень 2012 году, узначальваючы часовы ўрад на фоне грэцкага пазыковага крызісу. Раней ён займаў пасаду віцэ-прэзыдэнта Эўрапейскага цэнтральнага банку з 2002 па 2010 гады і старшыні Банка Грэцыі з 1994 па 2002 гады.

Люкас Пападэмас
па-грэцку: Λουκάς Παπαδήμος
прэм’ер-міністар Грэцыі[d]
11 лістапада 2011 — 16 траўня 2012
Папярэднік	Ёргас Папандрэў (малодшы)
Наступнік	Панаётыс Пікрамэнас
чалец Атэнскай акадэміі навук[d]
з 2006
Governor of the Bank of Greece[d]
26 кастрычніка 1994 — 31 траўня 2002
Папярэднік	Ioannis Boutos[d]
Наступнік	Nikolaos Garganas[d]
віцэ-прэзыдэнт[d]
31 траўня 2002 — 31 сьнежня 2010
Папярэднік	Christian Noyer[d]
Наступнік	Vítor Constâncio[d]
прэзыдэнт Атэнскай акадэміі[d]
з студзень 2017
Папярэднік	Thanasis Valtinós[d]
Асабістыя зьвесткі
Нарадзіўся	11 кастрычніка 1947(1947-10-11)[1][2][3] (77 гадоў) Атэны, Грэцыя
Адукацыя	Масачусэцкі тэхналягічны інстытут (1978) Атэнскі каледж[d]
Подпіс
Сайт	primeminister.gr

Біяграфія

Нарадзіўся ў Атэнах. Пасьля заканчэньня Атэнскага каледжа ў 1966 годзе Пападэмас навучаўся ў Масачусэцкім тэхналягічным інстытуце, дзе атрымаў ступень бакаляўра па фізыцы ў 1970 годзе і ступень магістра электратэхнікі ў 1972 годзе. У 1978 годзе атрымаў ступень доктара эканомікі. Займаўся кар’ерай у акадэмічных навуках, выкладаў эканоміку ў Калюмбійскім унівэрсытэце з 1975 па 1984 гады да пераходу ў Атэнскі ўнівэрсытэт у 1988 годзе^[4].

У 1980 годзе ўладкаваўся эканамістам, а потым атрымаў пасаду старэйшага эканамістам Фэдэральнага рэзэрвовага банку Бостану. У 1985 годзе Пападэмас перайшоў на працу ў Банк Грэцыі ў якасьці галоўнага эканаміста, дамогшыся падвышэньня да пасады камесьніка старшыні банку ў 1993 годзе. У 1994 годзе заняў пасаду старшыні банку. У час свайго кіраваньня цэнтральным банкам Пападэмас удзельнічаў у пераходзе Грэцыі ад драхмы да эўра ў якасьці нацыянальнай валюты. Пасьля сыходу з Банка Грэцыі ў 2002 годзе Пападэмас стаў віцэ-прэзыдэнтам Віма Дуйзэнбэрга, а потым Жан-Клёда Трышэ ў Эўрапейскім цэнтральным банку, дзе працаваў з 2002 па 2010 гады. У 2010 годзе ён працаваў эканамічным дарадцам грэцкага прэм’ер-міністра Ёргаса Папандрэў^[5].

Пападэмас упершыню быў прапанаваны ў якасьці патэнцыяльнага часовага прэм’ер-міністра Грэцыі ў пачатку лістапада 2011 году, пасьля таго, як прэм’ер-міністар Ёргас Папандрэў выказаў намер сысьці ў адстаўку і дазволіць часоваму кааліцыйнаму ўраду змагацца з буйнымі палітычнымі ўзрушэньнямі, выкліканымі пазыковым крызісам краіны.