Лямус (Гарадніца)

Лямус — помнік архітэктуры XVIII стагодзьдзя ў Горадні. Знаходзіцца на Гарадніцы, на гістарычнай Лапенскай вуліцы^[a]. Твор архітэктуры барока. Аб’ект Дзяржаўнага сьпісу гістарычна-культурных каштоўнасьцяў Беларусі.

Помнік грамадзянскай архітэктуры
Лямус
Лямус
Краіна	Беларусь
Места	Горадня
Каардынаты	53°41′11″ пн. ш. 23°50′09″ у. д.
Архітэктурны стыль	барокавая архітэктура[d]
Заснавальнік	Антоні Тызэнгаўз
Дата заснаваньня	XVIII стагодзьдзе
Статус	Дзяржаўны сьпіс гісторыка-культурных каштоўнасьцяў Рэспублікі Беларусь
Лямус на мапе Беларусі Лямус
Лямус на Вікісховішчы

Гісторыя

Гарадніца, 1789 г.

Вялікае Княства Літоўскае

Будаваньне мураванага лямуса ў Горадні вялося ў другой палове XVIII ст. Будынак ўваходзіў у ансамбль Гарадніцы Антонія Тызэнгаўза і прызначаўся пад склад дзеля мануфактурнай вытворчасьці.

Пад уладай Расейскай імпэрыі

У пачатку XX ст. будынак выкарыстоўваўся як начлежка.

Найноўшы час

У 1939 годзе будынак прыстасавалі пад жылы дом.

Архітэктура

Помнік архітэктуры барока. Гэта 2-павярховы прастакутны ў пляне будынак з мансардай, накрыты высокім вальмавым дахам. Усходні фасад сымэтрычны, зь невялікім рызалітам у цэнтры. Цэнтральныя часткі заходняга, паўночнага і паўднёвага фасадаў гладкія, з сымэтрычна разьмеркаванымі вокнамі. Вокны другога паверха невялікія квадратныя і значна заглыбляюцца ў тоўшчу сьцяны. Вокны першага паверха нізкія прастакутныя. Цагляныя коміны высокія, шматпрыступкавыя^[1].

Мае нерэгулярную сыстэму ўнутранага пляну. Перакрыцьці, унутраныя перагародкі і вузкія 2-маршавая сходы з высокімі прыступкамі — драўляныя. Пачатковы інтэр’ер зьмяніўся^[2].

Заўвагі

1. Цяперашні афіцыйны адрас — вуліца Дзяржынскага, 1а