Магілёўскае паўстаньне 1618 году

Магілё́ўскае паўста́ньне 1618 году — выступленьне месьцічаў Магілёва супраць прымусовага ўвядзеньня царкоўнай уніі.

Магілёўскае паўстаньне 1618 году
Берасьцейская унія
Дата	9 кастрычніка 1618 (406 гадоў таму)
Месца	Магілёў (Аршанскі павет, Вялікае Княства Літоўскае)
Прычыны	пагроза закрыцьця праваслаўных цэркваў
Мэты	захаваньне незалежнасьці ад уніяцкай мітраполіі
Спосабы	зачыненьне гарадзкой брамы, усталяваньне гарматаў на гарадзкім вале
Вынік	страта праваслаўнымі месьцічамі цэркваў і манастыроў (1619 г.)
Атрыманыя саступкі	стварэньне Магілёўская праваслаўнай япархіі ў 1632 годзе
Удзельнікі канфлікту
Полацкая ўніяцкая архіяпархія Магістрат Магілёва
Ключавыя асобы
Язафат Кунцэвіч Мірон Собаль
Сілы бакоў
сьвіта Кунцэвіча харугва Магілёва
Страты
20 забітых (1619 г.)

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Магілёўскае паўстаньне.

9 кастрычніка 1618 году полацкі ўніяцкі архіяпіскап Язафат Кунцэвіч прыбыў да Магілёва з намерам зачыніць праваслаўныя цэрквы. Магістрат Магілёва на чале зь Міронам Собалем (бацькам друкара Сьпірыдона Собаля) адмовіўся падпарадкавацца ўніяцкай мітраполіі. Пры набліжэньні Кунцэвіча месьцічы замкнулі браму і ўсталявалі на гарадзкім вале гарматы. Тады Кунцэвіч зьехаў у Варшаву (Польскае каралеўства) да вялікага князя літоўскага Жыгімонта Вазы, які 22 сакавіка 1619 году выдаў унівэрсал аб выраку на сьмерць 20 удзельнікаў выступленьня і накладаньні на месьцічаў спагнаньня^[1]. Сярод вырачаных на сьмерць былі Л. Ісаеў, М. Пуцята, К. Шаўнін і Я. Шульха^[2].

Літаратура

• Магілёўскае паўстаньне 1618 // Вялікае Княства Літоўскае: энцыкляпэдыя ў 3 тамах / гал.рэд. Генадзь Пашкоў, маст. З. Герасімовіч. — 2-е выд. — Менск: Беларуская энцыкляпэдыя імя Петруся Броўкі, 2007. — Т. 2. Кадэцкі корпус—Яцкевіч. — С. 245. — 792 с. — 3000 ас. — ISBN 978-985-11-0394-8