Максім Мякіш

Максі́м Мя́кіш (нар. 3 сакавіка 2000 году) — беларускі футбаліст, паўабаронца менскага «Дынама».

Максім Мякіш
Пэрсанальная інфармацыя
Нарадзіўся	3 сакавіка 2000(2000-03-03)[1] (25 гадоў) Горадня, Беларусь[2]
Рост	191 см[2]
Вага	82 кг[3]
Пазыцыя	паўабаронца
Клюбная інфармацыя
Клюб	Дынама Менск
Нумар	6
Клюбы
Гады	Клюб	Гульні (галы)¹
2017	Нёман Горадня	2 (0)
2018	Уніян Лейрыя	0 (0)
2019—2021	БАТЭ	0 (0)
2020	→ Славія Мазыр	3 (0)
2021	→ Іслач	22 (1)
2022—2024	Тарпэда-БелАЗ	74 (5)
2025—4	Дынама Менск	12 (1)
Зборныя
2017—2018	Беларусь (да 19)[d]	6 (0)
2019—2022	Беларусь (да 21)	14 (0)
2025—4	Беларусь	2 (0)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 28 чэрвеня 2025. ² Колькасьць гульняў і галоў за нацыянальную зборную ў афіцыйных матчах, адкарэктавана на 8 верасьня 2025.

Кар’ера

Клюбная

Выхаванец гарадзенскай СДЮШАР «Нёман». У пачатку 2015 году выправіўся ў менскую Рэспубліканскую дзяржаўную вучэльню алімпійскай рэзэрвы (РДВАР), дзе пачаў выступаць на юнацкім роўні за каманду Акадэміі АБФФ. У ліпені 2017 году па завяршэньні навучаньня вярнуўся ў «Нёман», дзе спачатку выступаў за дубль, але таскама прыцягваўся да асноўнай каманды. 4 лістапада 2017 году дэбютаваў у Найвышэйшай лізе, выйшаўшы на замену ў канцы сустрэчы супраць берасьцейскага «Дынама» (0:2).

У пачатку 2018 году пакінуў «Нёман» і выправіўся на прагляд у партугальскую «Лейрыю», зь якой у красавіку падпісаў кантракт^[4][5]. Выступаў за моладзевую каманду партугальскага клюбу. У лютым 2019 году, вярнуўшыся ў Беларусь, стаў гульцом барысаўскага БАТЭ^[6], дзе гуляў за дубль.

Да сэзону 2020 году рыхтаваўся разам зь першай дружынай барысаўчанаў. У сакавіку 2020 году падоўжыў супрацу з БАТЭ^[7] і неўзабаве быў аддадзены ў арэнду ў мазырскую «Славію»^[8], дзе пераважна заставаўся на лаўцы запасных. Футбаліст адгуляў толькі ў трох матчах Найвышэйшай лігі. У ліпені 2020 году па заканчэньні арэнды зышоў з «Славіі»^[9]. Плянавалася, што паўабаронца можа сысьці ў арэнду ў іншы клюб, аднак у выніку стаў гуляць за дубль БАТЭ.

У студзені 2021 году выправіўся на прагляд у «Іслач». У лютым далучыўся да гэтага клюбу на правах арэнды^[10]. Пачынаў сэзон у стартавым складзе каманды, пазьней нярэдка выходзіў на замену. У лістападзе 2021 году па заканчэньні арэнды пакінуў «Іслач»^[11]. У студзені 2022 году трэнаваўся з жодзінскім «Тарпэда-БелАЗ», які ў лютым выкупіў кантракт паўабаронцы^[12]. У студзені 2024 году падоўжыў кантракт з жодзінскім клюбам^[13]. У студзені 2025 году перайшоў ў менскае «Дынама».

Міжнародная

У 2016—2017 гадах гуляў за зборную Беларусі (да 17 гадоў) у кваліфікацыі чэмпіянату Эўропы. У кастрычніку 2017 году ды кастрычніку 2018 году гуляў за зборную Беларусі (да 19 гадоў) у кваліфікацыйных раўндах чэмпіянату Эўропы. 10 верасьня 2019 году дэбютаваў у моладзевай зборнай Беларусі, адгуляўшы ўсе 90 хвілінаў у адборачным матчы чэмпіянату Эўропы супраць зборнай Партугаліі (0:2).

Дасягненьні

• Бронзавы прызэр чэмпіянату Беларусі: 2023, 2024
• Уладальнік Кубка Беларусі: 2023

Статыстыка

Клюб	Сэзон	Чэмпіянат
		Дывізіён	Матчы	Галы
Нёман	2017	Найвышэйшая ліга	2	0