Малахоўскі сельсавет

Малахоўскі сельсавет^[1] (сучасная назва — Малахаве́цкі сельсавет) — адміністрацыйна-тэрытарыяльная адзінка ў складзе Баранавіцкага раёну Берасьцейскай вобласьці. Адміністрацыйны цэнтар — пасёлак Мірны.

Гісторыя

12 кастрычніка 1940 году створаны ў складзе Навамыскага (з 8 красавіка 1957 году — Баранавіцкага) раёну Баранавіцкай (з 8 студзеня 1954 году — Берасьцейскай) вобласьці БССР з цэнтрам у вёсцы Малахоўцы. 16 сакавіка 1987 году адміністрацыйны цэнтар сельсавету перанесены ў пасёлак Мірны.^[2] 16 ліпеня 1954 года да сельсавету далучаная тэрыторыя скасаванага Валахоўскага сельсавету^[3].

9 ліпеня 2012 году вёска Ўзногі перададзеная ў склад Баранавічаў^[4].

26 чэрвеня 2013 году ў склад сельсавету перададзеныя ўсе населеныя пункты — Багушы, Кадычыцы, Навасады, Рагозьніца, Уцёс — ліквідаванага Ўцёскага сельсавету^[5][6].

Насельніцтва

Насельніцтва сельсавету паводле перапісу 2009 году — 3337 чалавек^[7], зь іх 89,9 % — беларусы^[8].

Населеныя пункты

• 1 студзеня 1947 году — 5^[9]
• 1 чэрвеня 1955 году — 11^[10]
• 1 студзеня 1964 году — 11^[11]
• 1 студзеня 1968 году — 12^[12]
• 1 студзеня 1974 году — 13^[13]
• 1 студзеня 1981 году — 15^[14]
• 1 студзеня 1986 году — 15^[15]