Манга (плод)

Ма́нга — ядомая костачкавая садавіна, якая ёсьць плодам трапічнага дрэва Mangifera indica. Паходзіць з рэгіёну паміж паўночна-заходняй М’янмай, Банглядэшам і паўночна-ўсходняй Індыяй^[1][2]. Расьліна культывуецца ў Паўднёвай і Паўднёва-Ўсходняй Азіі з старажытных часоў, што зь цягам часу прывяло да стварэньня гатункаў манга двух асноўных тыпаў, вядомых як індыйскі тып і тып Паўднёва-Ўсходняй Азіі^[1][2]. Іншыя віды расьлінаў роду манга (Mangifera) таксама маюць ядомыя плады, якія таксама называюць словам «манга», але большасьць зь іх сустракаюцца толькі ў рэгіёне Малезіі^[3].

Два фрукты манга, адзін зь якіх напалову разрэзаны і іншы цэлы.

Існуе некалькі сотняў гатункаў манга. У залежнасьці ад гатунку плады адрозьніваюцца памерам, формай, смакам, колерам скуркі і мякішу, які можа быць бледа-жоўтым, залацістым, зялёным або аранжавым^[4]. Манга ўважаецца нацыянальным фруктам Індыі, Пакістану і Філіпінаў^[5][6], у той час як дрэва манга ёсьць нацыянальным дрэвам Банглядэшу^[7].