Манровія

Манро́вія (па-ангельску: Monrovia) — сталіца і самы вялікі горад Лібэрыі. Знаходзіцца ў вусьці ракі Сэнт-Пол. Насельніцтва налічвае каля 1 млн чалавек.

Манровія
анг. Monrovia
Сьцяг Манровіі
Першыя згадкі:	1822
Краіна:	Лібэрыя
Кіраўнік:	John-Charuk Siafa[d][1]
Плошча:	194,25 км²
Насельніцтва:	1 010 970 чал. (2008)
Часавы пас:	UTC+0
Тэлефонны код:	77
Паштовы індэкс:	1000
Геаграфічныя каардынаты:	6°18′38″ пн. ш. 10°48′17″ з. д.
Манровія на мапе Лібэрыі Манровія
Галерэя здымкаў у Вікісховішчы
https://monrovia.gov.lr/

Гісторыя

Горад быў заснаваны ў 1822 годзе Амэрыканскім каляніяльным таварыствам пад назвай Крыстаполіс, якое пасяліла тут вызваленых рабоў з ЗША і астравоў Карыбскага мора. У 1924 годзе горад быў названы ў гонар аднаго з амэрыканскіх прэзыдэнтаў — Джэймза Манро. Да канца ХІХ стагодзьдзя сюды перасяляліся вызваленыя рабы (у асноўным з ЗША). У 1847 годзе Манровія стала сталіцай незалежнай Лібэрыі.

У 1990-х у Лібэрыі выбухнула грамадзянская вайна, якая нанесла значныя старты гораду.

У наш час Манровія зьяўляецца адміністрацыйным, гандлёвым і фінансавым цэнтрам Лібэрыі. Горад, разьмешчаны на ўзьбярэжжы Атлянтычнага акіяна стаў буйным міжнародным портам. Асноўная частка партовай інфраструктуры была пабудаваная амэрыканцамі падчас Другой сусьветнай вайны. Праз порт зь Лібэрыі вывозяцца ў асноўным латэкс і жалезная руда. На тэрыторыі порта ёсьць цэмэнтны і нафтаперапрацоўчы заводы. Існуюць і буйныя суднарамонтныя прадпрыемствы. Маюцца два міжнародныя аэрапорты.

У Манровіі знаходзяцца асноўныя вышэйшыя навучальныя ўстановы Лібэрыі: Унівэрсытэт Лібэрыі і Катынгтонскі каледж.