Морыц Енц

Морыц Енц (па-нямецку: Moritz Jenz; нар. 30 красавіка 1999 году) — нямецкі футбаліст, абаронца клюбу «Вольфсбург».

Морыц Енц
Пэрсанальная інфармацыя
Нарадзіўся	30 красавіка 1999(1999-04-30)[1] (26 гадоў) Бэрлін, Нямеччына
Рост	1,9 м
Пазыцыя	абаронца
Клюбная інфармацыя
Клюб	Вольфсбург
Клюбы
Гады	Клюб	Гульні (галы)¹
2020—2021	Лязана	32 (1)
2021—2023	Ляр’ен	17 (1)
2022—2023	→ Сэлтык	11 (2)
2023	→ Шальке-04	11 (0)
2023—4	Вольфсбург	22 (0)
2024—2025	→ Майнц	19 (0)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 28 красавіка 2025.

Кар’ера

Гадаваўся ў бэрлінскім клюбе «Барусія Тэніс» пакуль ня зьехаў у акадэмію ангельскага «Фулгэма». За лёнданскі клюб, аднак, ніколі не згуляў, дэбютаваўшы ў прафэсійным футболе ў кашулі швайцарскага клюбу «Лязана» ў верасьні 2020 году. Ужо праз год склаў працоўную ўгоду з францускім «Ляр’енам»^[2]. Улетку 2022 году выправіўся ў арэнду ў шатляндзкі «Сэлтык», зь якім дэбютаваў у Лізе чэмпіёнаў 6 верасьня 2022 году ў матчы супраць мадрыдзкага «Рэалу»^[3]. Не зважаючы на жаданьне самага футбаліста, узімку 2023 году быў адкліканы з арэнды, пасьля чаго далучыўся да «Шальке-04»^[4]. Абаронца ня здолеў дапамагчы клюбу ў барацьбе за захаваньне месца ў Бундэсьлігі. 16 чэрвеня 2023 году прыяднаўся да «Вольфсбургу», склаўшы чатырохгадовы кантракт^[5]. 28 жніўня 2024 году выправіўся ў арэнду ў клюб «Майнц».