Мошна

Мо́шна — рака ў Беларусі, правы прыток ракі Чарніцы (басэйн Дзьвіны). Цячэ ў Лёзьненскім раёне Віцебскай вобласьці. Даўжыня 33 км. Плошча вадазбору 335 км². Выдатак вады ў вусьці 2,2 м³/с. Сярэдні нахіл воднай паверхні 2,2‰.

Рака

Мошна лац. Mošna
Агульныя зьвесткі
Выток	каля в. Шэркіна
Вусьце	Чарніца
Краіны басэйну	Беларусь
Вобласьці	Лёзьненскі раён і Віцебская вобласьць
Даўжыня	33 км
Сярэднегадавы сьцёк	2,2 м³/с
Плошча басэйну	335 км²
Нахіл воднай паверхні	2,2 ‰
Галерэя здымкаў у Вікісховішчы

Асноўныя прытокі

Мост цераз Мошну, 1880-я гг.

• Правыя: Скулянка
• Левыя: Брыжоўка, Рубяжніца

На рацэ

• Мястэчка: Лёзна

Агульныя зьвесткі

Пачынаецца за 1,5 км на паўднёвы захад ад вёскі Шэркіна, вусьце каля вёскі Сутокаў. Цячэ ў межах Віцебскага ўзвышша.

Даліна скрынкападобная, зьвілістая, шырынёй 200—300 м, ніжэй за вёску Міхалінава на працягу 4 км пашыраецца да 1—1,5 км. Абалона паміж вёскай Міхалінавам і мястэчкам Лёзнам двухбаковая, шырыня рэчышча 4—6 м, у вусьцевай частцы 10—12 м^[1].