Мужчынская зборная Нарвэгіі па хакеі

Збо́рная Нарвэгіі па хаке́і — нацыянальная хакейная каманда Нарвэгіі. У рэйтынгу ІІХФ за 2014 год знаходзіцца на 10 месцы^[1]. Кіроўны орган — Нарвэскі хакейны зьвяз, галоўным трэнэрам зьяўляецца Пэтэр Торэсэн.

Нарвэгія
Фэдэрацыя	Нарвэскі хакейны зьвяз
Мэнэджар	Б’ёрн Матгісруд
Трэнэр	Пэтэр Торэсэн
Капітан	Ёнас Голяс
Найбольш гульняў	Томі Якабсэн (135)
Рэйтынг ІІХФ	9
Максымум ІІХФ	8 (2012)
Мінімум ІІХФ	21 (2004)
Колеры
Форма
Першая гульня
Чэхаславаччына  7:0  Нарвэгія (Лёндан, Вялікабрытанія — 17 лютага 1937)
Найбуйнейшая перамога
Нарвэгія  24:0  Бэльгія (Сафія, Баўгарыя — 5 сакавіка 1975)  Нарвэгія  25:1  Кітай (Дэбрэцэн, Вугоршчына — 22 красавіка 2005)
Найбуйнейшая параза
Фінляндыя  20:1  Нарвэгія (Хямээнліна, Фінляндыя — 12 сакавіка 1947)
Чэмпіянаты сьвету
Удзелаў	60 (упершыню ў 1937)
Дасягненьні	4 месца (1951)
Алімпійскія гульні
Удзелаў	12 (упершыню ў 1952)
Міжнародныя выступы (П—Н—П)
352—634—112

Мінуўшчына

Нарвэскі хакейны зьвяз быў заснаваны ў 1934 годзе, стаўшы чальцом ІІХФ у 1935 годзе^[2][3]. Аднак зборная зьявілася толькі ў 1937 годзе, бо да гэтага ў зьвяза не было дастаткова сродкаў для падтрымкі каманды. Да пачатку Другой сусьветнай вайны нарвэская зборная амаль не ўдзельнічала ў турнірах, адправіўшыся ўпершыню ў тым жа 1937 годзе на чэмпіянат сьвету ў Лёндан. Першы матч нарвэжцы правялі 17 лютага, атрымаўшы буйную паразу ад зборнай Чэхаславаччыны зь лікам 0:7. Наступная параза ад Швайцарыі зь лікам 2:13 выбіла нарвэжцаў з турніру^[4]. У чэмпіянаце сьвету 1938 году нарвэжцы таксама прынялі ўдзел, аднак на наступны год яны адмовіліся ад удзелу ў чарговым першынстве сьвету. У ніводным матчы да пачатку вайны нарвэжцы ня здолелі атрымаць перамогу: найлепшым дасягненьнем стала толькі мінімальная параза ад Швэцыі зь лікам 3:4^[5].