Музыкальная газета

«Музыкальная газета» — беларускае штотыднёвае выданьне, прысьвечанае музыцы й шоў-бізнэсу.^[1]

Музыкальная газета
Тып	штотыднёвік
Выдавец	ВД «Нестор»
Краіна	Беларусь
Галоўны рэдактар	Алег Клімаў
Заснаваная	1996
Закрытая	2008
Мова	расейская
Штаб-кватэра	Менск, Беларусь
Наклад	20000–1500
ISSN	1606-7010
Афіцыйны сайт	nestor.minsk.by/mg/

Гісторыя

Заснавана ў Менску ў 1996 годзе выдаўцом Анатолем Віктаравічам Кірюшкіным (ВД «Нестар»). Газэта выходзіла першапачаткова адзін раз у тыдзень, затым адзін раз у два тыдні, на расейскай мове, распаўсюджвалася на тэрыторыі Рэспублікі Беларусь, а таксама праз прыватных распаўсюднікаў на рынках Украіны й Расеі.^[2] Наклад у розныя гады вар’яваўся ад 7 000 асобнікаў да 19 500, пасьля наклад рэзка ўпаў і працягваў зьніжацца ў наступныя гады, у той час як апошні нумар выйшаў у сьнежні 2007 году накладам у 2 514 асобнікаў.^[3]

Да 2003 году газэта выходзіла ў каляровым фармаце й распавядала як пра заходнюю, так і пра беларускую й расейскую музычную сцэны. З 2003 году газэта стала пісаць выключна на тэмы беларускай музыцы (асьвятленьне заходняй музыкі перавандравала ў новы часопіс «НОТ-7»), зьмяніла дызайн і перайшла на 8 старонак (замест 16) у чорна-белым выкананьні.^[4][5]

Практычна з самага пачатку галоўным рэдактарам выданьня зьяўляўся Алег «О’К» Клімаў, вядомы беларускі музычны журналіст.^[6][7][8] За час свайго існаваньня газэта стала знакавым выданьнем для беларускіх знатакоў музыкі^[9][10] й мела посьпех у Маскве ды Санкт-Пецярбургу, галоўным чынам за кошт велізарнай колькасьці апублікаваных матэрыялаў і высокай (у першыя гады) якасьці публікацыяў.^[4][11]

Напярэдадні 2008 году ў сілу фінансавых прычын газэта спыніла сваё існаваньне.^[12][13][14]