Музэй Чартарыйскіх

Музэй Чартарыйскіх — мастацкі збор у складзе Нацыянальнага музэю ў Кракаве. Заснаваны ў 1796 годзе княгіняй Ізабэлай Чартарыйскай, жонкай Адама Казімера Чартарыйскага. Яшчэ раней, у 1778 годзе, яна заснавала першы ў Польшчы мастацкі музэй на плошчах палацу Чартарыйскіх у Пулавах.

Будынак музэю (былы Кракаўскі арсэнал)

Найбольш значныя прадметы збору былі прывезены зь Італіі сынам Ізабэлы, Адамам Ежы Чартарыйскім, у 1798 годзе. Да іх колькасьці належаць, апроч рымскіх старажытнасьцяў, «Дама з гарнастаем» Леанарда да Вінчы і «Партрэт маладога чалавека» пэндзля Рафаэля (страчаны ў часы Другой сусьветнай вайны).

Пасьля эміграцыі Чартарыйскага ў Парыж яго мастацкі збор знайшоў прыстанак у гатэлі Лямбэр. Франка-пруская вайна вымусіла яго сына Ўладзіслава пакінуць Парыж і шукаць сховішчы ў Аўстра-Вугоршчыне. Тады ж мастацкі збор і пасяліўся ў старадаўнім будынку кракаўскага арсэналу.

Вонкавыя спасылкі

Музэй Чартарыйскіх — сховішча мультымэдыйных матэрыялаў

• Сайт музэю Чартарыйскіх