Музэй ABBA

Музэй ABBA (па-швэдзку: Abbamuseet, па-ангельску: ABBA the Museum) — прыватная пастаянная выстава, прысьвечаная сусьветнавядомаму швэдзкаму поп-гурту ABBA. Разьмешчаны на высьпе Юргордэн у цэнтры Стакгольму.

Музэй ABBA
Abbamuseet
Уваход у Музэй ABBA і Swedish Music Hall of Fame
Месцазнаходжаньне	Стакгольм, Швэцыя
Адрас	Djurgårdsvägen 68
Створаны	7 траўня 2013
Адкрыты	7 траўня 2013
Геаграфічныя каардынаты	59°19′30″ пн. ш. 18°5′47″ у. д.
Музэй ABBA на мапе Швэцыі Музэй ABBA
Афіцыйны сайт

Нягледзячы на назву, фармальна не зьяўляецца музэям, паколькі не зьмяшчае калекцыяў, не праводзіць дасьледваньні і зьяўляецца камэрцыйнай установай. Таксама не зьяўляецца сябрам Аб’яднаньня дзяржаўных музэяў Швэцыі^[1].

Гісторыя

Праект музэю ABBA зьявіўся ў 2006 годзе і быў распачаты Эвай Вігенгайм і Ўльфам Вэстманам. Але яны пакінулі праект, і выстава спачатку была паказана за мяжой (у студзені 2010 году ў Лёндане, потым у Мэльбурне і Сыднэі, а таксама ў Вугоршчыне й Чэхіі). Толькі 7 траўня 2013 году выстава адкрылася ў Стакгольме. За першыя 16 месяцаў існаваньня яе наведалі паўмільёну чалавек^[2].

Галерэя

• 
  Будынак музэю й гатэлю Melody Hotel
• 
  «Залаты пакой» з выстаўленымі залатымі й плятынавымі дыскамі ABBA

Глядзіце таксама

• Abbaworld
• Swedish Music Hall of Fame