Мыш-малютка

Мыш-малютка (Micromys minutus) — від сысуноў сямейства мышы Muridae.

Мыш-малютка
Клясыфікацыя
Царства	Жывёлы (Animalia)
Тып	Хордавыя (Chordata)
Падтып	Хрыбетныя (Vertebrata)
Надкляса	Чатырохногія (Tetrapoda)
Кляса	Сысуны (Mammalia)
Падкляса	Зьвяры (Theria)
Інфракляса	Пляцэнтарныя (Placentalia)
Атрад	Грызуны (Rodentia)
Сямейства	Мышы (Muridae)
Род	Micromys
Від	Мыш-малютка
Бінамінальная намэнклятура
Micromys minutus (Pallas, 1771)
Арэал
Арэал
Мыш-малютка на Віківідах  Мыш-малютка ў Вікісховішчы ITIS 585369 ·

Вонкавы выгляд

Даўжыня цела 55–75 мм, даўжыня хваста 50–75 мм, даўжыня вушэй 15–20 мм, маса 5–7 г. Поўсьць мяккая і густая. Верх чырванавата-карычневы, месцамі таксама цёмна-карычневы. Ніз рэзка аддзелены ад сьпіны і белы. Хвост двухколерны і чапляльны. Вочы і вушы вялікія. Тупы нос акружан вібрысамі. Ступні даволі шырокія. Гэтая мыш можа ўхапіцца за сьцябло кожнай задняй ступнёй і хвастом, пакідаючы пярэднія лапы свабоднымі для збору ежы.

Распаўсюджваньне

Сустракаецца ў Эўропі і Азіі ад Гіспаніі да Японіі; на вышынях ад 0 да 1700 м.

Лад жыцьця

Насяляе шырокі спэктр асяроддзяў пражываньня, уключаючы альпійскія лугі, палі з высокай травой, бамбукавыя насаджэньні, балоты, паляны, ўскраіны вільготных лясоў. Ён таксама прыстасаваўся да розных антрапагенных асяроддзяў пражываньня, уключаючы сады і ворныя землі, дрэнажныя канавы і збожжавыя або рысавыя палі. Сілкуецца насеньнем, зялёнай расьліннасьцю, вусякамі, птушынымі яйкамі.

Micromys minutus ў меру таварыскія. Яны жывуць невялікімі хатнімі ўчасткамі, якія перакрываюцца. Калі ў няволі самцоў зьмясьціць разам, яны будуць жорстка біцца. Зімой у зернясховішчах могуць мірна жыць разам да 5000 жывёл, але чым бліжэй шлюбны пэрыяд, тым больш агрэсіўна жывёлы рэагуюць адзін на аднаго. Гэтая мыш не ўпадае ў сьпячку. Micromys minutus актыўны ў парывах часу на працягу дня і ночы, з трохгадзінным рытмам чаргаваньня сну і ежы на працягу кожных 24 гадзін у содкі. Каб вырошчваць маладняк, яны будуюць шарападобныя гнёзды паміж сьцебламі, дыяметрам ад 60 да 130 міліметраў. На будаўніцтва гнязда патрабуецца ад двух да васьмі дзён. Па-за шлюбным пэрыядам яны таксама часам будуюць гнёзды, але яны больш тонкія і горш падбітыя. У халодныя месяцы яны часам будуюць гнёзды на зямлі або ў грунтавых ямах, часам у будынках.

Вонкавыя спасылкі

• Kryštufek, B., Lunde, D.P., Meinig, H., Aplin, K., Batsaikhan, N. & Henttonen, H. 2019. Micromys minutus. The IUCN  (анг.)
• Ivaldi, F. 1999. Micromys minutus. Animal Diversity Web  (анг.)