Мікалай Геранім Сяняўскі
From Wikipedia, the free encyclopedia
Remove ads
Мікалай Геранім Сяняўскі (1645 — 5 сьнежня 1683) — дзяржаўны і вайсковы дзяяч Рэчы Паспалітай. Харунжы вялікі (1668—1674) і маршалак надворны каронны (1674—1680), ваявода валынскі (1680—1683), гетман палявы каронны з 1683.
Трымаў Львоўскае (з 1679), Радамскае, Рагатынскае і Пясечынскае староствы. Граф «на Шклове і Мышы».
Remove ads
Біяграфія
З магнацкага роду Сяняўскіх гербу «Ляліва», сын Адама Гераніма і Вікторыі Альжбеты з Патоцкіх.
У 1663 атрымаў пасаду ротмістра, у 1666 стражніка вялікага кароннага, пасьля 1667 палкоўнік. У 1676 быў маршалкам сойму.
За права валодаць мястэчкам Мыш і вёскай Баранавічы судзіўся зь езуіцкім калегіюмам у Мышы. У 1683 захапіў Мыш і навакольныя вёскі.
Ваяваў за Яна Казімера з казакамі і татарамі. Супраціўнік рокашу Любамірскага. Удзельнічаў у кампаніях Яна Сабескага (Падгайцы, Хоцім). У 1673—1674 праводзіў самастойныя апэрацыі на Падольлі і Малдове. Удзельнічаў у кампаніі пад Венай 1683. Праз паноўную тамака заразу памёр неўзабаве пасьля перамогі.
З маёнткаў выстаўляў у войска 3 конныя харугвы і драгунскі полк, на чале якіх ваяваў з казакамі, крымскімі татарамі і туркамі[1].
У шлюбе з Цэцыліяй Марыяй Радзівіл меў сына Адама Мікалая і дачок Яну і Тэафілію.
Remove ads
Крыніцы
Літаратура
Wikiwand - on
Seamless Wikipedia browsing. On steroids.
Remove ads