Мікалай Дземянцей

Мікалай Іванавіч Дземянцей (25 траўня 1930, в. Хотліна, Чашніцкі раён — 10 ліпеня 2018, Ждановічы) — беларускі савецкі палітычны дзяяч, Старшыня Вярхоўнага Савету БССР (1990—1991). Падтрымаў Дзяржаўны камітэт па надзвычайным становішчы, пасьля чаго быў вымушаны пайсьці ў адстаўку ў жніўні 1991 года^[1][2].

Вікіпэдыя мае артыкулы пра іншых асобаў з прозьвішчам Дземянцей.

Мікалай Іванавіч Дземянцей
Старшыня Прэзыдыюму Вярхоўнага Савету БССР
28 ліпеня 1989 — 15 траўня 1990
Папярэднік	Георгі Таразевіч
Наступнік	пасада скасаваная
Старшыня Вярхоўнага савету БССР
19 траўня 1990 — 25 жніўня 1991
Папярэднік	Іван Навуменка
Наступнік	Станіслаў Шушкевіч
Асабістыя зьвесткі
Нарадзіўся	25 траўня 1930(1930-05-25) Хотліна[d], Чашніцкі раён, Віцебская акруга, БССР, СССР
Памёр	10 ліпеня 2018(2018-07-10) (88 гадоў) Ждановічы, Менскі раён, Менская вобласьць, Беларусь
Партыя	Камуністычная партыя Савецкага Саюзу Камуністычная партыя Беларусі
Адукацыя	Беларуская дзяржаўная сельскагаспадарчая акадэмія
Узнагароды

Біяграфія

Нарадзіўся 25 траўня 1930 году ў в. Хотліна Чашніцкага раёна Віцебскай вобласьці. У 1956 г. пачаў працаваць аграномам машынна-трактарнай станцыі^[3]. У 1957 годзе ўступіў у Камумністычную Партыю Савецкага Саюза. У 1959 годзе скончыў Беларускую дзяржаўную сельскагаспадарчую акадэмію. Ад 1979 да 1989 году сакратар цэнтральнага камітэту Камуністычнай партыі Беларусі па сельскай гаспадарцы^[4].

Старшыня Прэзыдыюму Вярхоўнага Савету БССР (28 ліпеня 1989 па 15 траўня 1990^[5]).

Старшыня Вярхоўнага Савету БССР (19 траўня 1990 па 25 жніўня 1991).

У 1990 пад старшынствам Дземянцея Вярхоўны Савет БССР прыняў Дэклярацыю аб дзяржаўным сувэрэнітэце Беларусі.

У 1996 — 2000 гг чалец Савету Рэспублікі Нацыянальнага сходу РБ па прэзыдэнцкай квоце^[6].

Аўтар кнігі ўспамінаў «Уроки жизни».

Ён дзядзька старшыні партыі Справядлівы сьвет С. Калякіна^[7].

Памёр 10 ліпеня 2018 году ў Ждановічах ў Рэспубліканскім клінічным мэдычным цэнтры^[8].