Мікалай Федарэнка

Мікалай Міхайлавіч Федарэнка (23 студзеня 1922, в. Рагозіна, Аршанскі раён, БССР — 1 верасьня 2000, Беларусь) — беларускі мастак^[1].

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Федарэнка.

Мікалай Федарэнка
Дата нараджэньня	23 студзеня 1922(1922-01-23)
Месца нараджэньня	Рагозіна, Высоцкая воласьць[d], Аршанскі павет[d], Віцебская губэрня, РСФСР
Дата сьмерці	1 верасьня 2000(2000-09-01) (78 гадоў)
Сябра ў	Беларускі саюз мастакоў
Жанры	пэйзаж

Жыцьцяпіс

Нарадзіўся ў сялянскай сям’і. У 1938—1941 гг. вучыўся ў Магілёве ў гарадзкой студыі выяўленчага мастацтва. Удзельнік Вялікай Айчыннай вайны, дайшоў да Бэрліну. Пасьля дэмабілізацыі вярнуўся ў Магілёў і заняўся творчай дзейнасьцю. У 1962 годзе прыняты ў Саюз мастакоў БССР.

Творчасьць

У мастацкіх вэрнісажах удзельнічаў з 1957 году. Працаваў пераважна ў жанры індустрыяльнага і лірычнага пэйзажу. Лепшыя творы — «Бярозкі. Восень», «Сонечны дзень», «Беларускі пэйзаж», «Калгасныя фэрмы», «Пачатак вясны», «Крычаўскі цэмэнтны завод», «Магілёўская фабрыка штучнага валакна», «Мая Магілёўшчына» і інш. Творы вызначаюцца плястычнай завершанасьцю, гарманічным калярытам, эмацыянальнай насычанасьцю, ясным светаадчуваньнем.

Сям'я

• Сын — Сьвятаслаў Федарэнка (31 кастрычніка 1946 г. Магілёў) — мастак, аўтар партрэтаў, сюжэтных карцін, пэйзажаў, пэдагог^[2].