Мікаэль Люстыг

Карл Мікаэ́ль Лю́стыг (па-швэдзку: Carl Mikael Lustig; нар. 13 сьнежня 1986 году, Умеа, Швэцыя) — колішні швэдзкі футбаліст, абаронца. Мае на сваім рахунку матчы ў складзе нацыянальнай зборнай Швэцыі.

Мікаэль Люстыг
Пэрсанальная інфармацыя
Нарадзіўся	13 сьнежня 1986(1986-12-13)[1] (38 гадоў) Умеа
Рост	190 см
Вага	78 кг
Пазыцыя	скрайні абаронца
Клюбы
Гады	Клюб	Гульні (галы)¹
2004—2005	Умеа[d]	32 (1)
2005—2008	ГІФ Сундсваль	81 (8)
2008—2011	Русэнборг	95 (14)
2012—2019	Сэлтык	160 (13)
2019—2020	Гент	16 (0)
2020—2022	АІК Стакгольм	67 (4)
Зборныя
2004	Швэцыя (да 19)[d]	1 (0)
2006—2009	Швэцыя (да 21)[d]	21 (1)
2008—2021	Швэцыя	94 (6)

Кар’ера

Раньнія гады

Сваю футбольную кар’еру Люстыг пачынаў у швэдзкім клюбе «Сандокернс СК», які выступае ў ніжэйшых дывізіёнах краіны. У 2004 годзе ён перайшоў у каманду «Умеа», зь якой у сэзоне 2005 году дасягнуў першага месца ў трэцім дывізіёне Швэцыі, што дало права выступаць у наступным сэзоне ў Супэрэтане.

«Сундсваль»

У жніўні 2005 году Люстыг падпісаў кантракт з клюбам «ГІФ Сундсваль»^[2]. Да заканчэньня сэзону 2005 году ён пасьпеў правесьці толькі 8 сустрэчаў у Альсвэнскане, у якіх ён 2 разы адзначыўся забітым мячом. Гэта ня выратавала ягоны новы клюб ад перадапошняга месца ў чэмпіянаце Швэцыі, таму «Сундсваль» вылецеў у другі па сіле дывізіён. У наступным сэзоне 2006 году Люстыг канчаткова замацаваўся ў аснове каманды, правёўшы 28 матчы й забіўшы 3 галы. У 2007 годзе ён разам з камандай фінішаваў на трэцім месцы ў Супэрэтане, што азначала вяртаньне каманды ў Альсвэнскан.

«Русэнборг»

У ліпені 2008 году Люстыг перайшоў у нарвэскі клюб «Русэнборг». Сума пераходу склала 8 млн швэдзкіх кронаў^[3], кантракт быў падпісаны на тры з паловай гады. З 2009 году швэдзкі футбаліст зьяўляўся гульцом асноўнага складу. У 2009 і 2010 гадох ён разам з камандай станавіўся чэмпіёнам Нарвэгіі. Сваёй гульнёй ён прыцягнуў увагу адразу некалькіх эўрапейскіх клюбаў: у прыватнасьці, цікавасьць да яго праяўлялі ангельскі «Ўэст Гэм Юнайтэд»^[4], італьянскія «Мілян»^[5] і «Леччэ»^[6].

«Сэлтык»

1 студзеня 2012 году Мікаэль Люстыг на правах вольнага агента далучыўся да шатляндзкага «Сэлтыку»^[7].

Міжнародная кар’ера

У студзені 2008 году трэнэр галоўнай зборнай краіны Лярс Лягербэк уключыў абаронцу ў склад каманды на таварыскія гульні. 19 студзеня Мікаэль дэбютаваў у зборнай Швэцыі, выйшаўшы на поле ў сустрэчы супраць зборнай ЗША, у якой швэды атрымалі паразу зь лікам 0:2^[8].

Дасягненьні

«Русэнборг»:

• Чэмпіён Нарвэгіі (2): 2009, 2010

«Сэлтык»:

• Чэмпіён Шатляндыі (8): 2012, 2013, 2014, 2015, 2016, 2017, 2018, 2019
• Уладальнік Кубка Шатляндыі (4): 2013, 2017, 2018, 2019
• Уладальнік Кубка шатляндзкай лігі (4): 2015, 2017, 2018, 2019