Мікола Аксаміт

Мікола (Мікалай) Уладзімеравіч Аксаміт (1954—2024) — беларускі праваабаронца і палітык, у 1990—1995 гадох адзін з членаў Апазыцыі БНФ у складзе Вярхоўнага Савету БССР 12-га скліканьня. Абраны да Ваўкавыскай гарадзкой выбарчай акругі № 248 Гарадзенскай вобласьці. Працаваў мастаком-афарміцелем.

Мікола Аксаміт
Дэпутат Вярхоўнага Савета Рэспублікі Беларусь
1990 — 8 студзеня 1996
Прэзыдэнт	Аляксандар Лукашэнка
Прэм’ер-міністар	Вячаслаў Кебіч (да 21 ліпеня 1994), Міхаіл Чыгір
Асабістыя зьвесткі
Нарадзіўся	18 траўня 1954(1954-05-18)[1]
Памёр	28 студзеня 2024(2024-01-28) (69 гадоў) Ваўкавыск, Гарадзенская вобласьць, Беларусь
Партыя	Беларускі Народны Фронт
Адукацыя	Беларускі дзяржаўны тэтральна-мастацкі інстытут[2]
Узнагароды

У красавіку 1995 году ўдзельнічаў у галадоўцы пратэсту супраць правядзеньня рэфэрэндуму, сярод пытаньняў якога была зьмена дзяржаўнай сымболікі і наданьне расейскай мове статусу дзяржаўнай^[3].

Пазьней працаваў юрыстам у праваабарончым цэнтры «Аслона».

У 2004 годзе быў даверанай асобай Мікалая Аўтуховіча на выбарах у Палату прадстаўнікоў^[4]. Пасьля выбараў два тыдні трымаў галадоўку ў знак пратэсту супраць фальсыфікацыяў вынікаў галасаваньня^[5][6].