Мікіта Крыўцоў

Мікіта Сяргеевіч Крыўцоў (31 ліпеня 1992 — 12 жніўня 2020 (?)) — беларускі футбольны фанат, загінулы ўдзельнік акцыяў пратэсту пасьля прэзідэнцкіх выбараў 2020 году.

Хуткія факты Дата нараджэньня, Месца нараджэньня ...

Мікіта Крыўцоў

Дата нараджэньня	31 ліпеня 1992(1992-07-31)
Месца нараджэньня	Вялейка, Менская вобласьць, Беларусь
Дата сьмерці	12 жніўня 2020(2020-08-12) (28 гадоў)
Месца сьмерці	Менск, Беларусь
Месца пахаваньня	Старыя могілкі ў Маладзечне^[d]
Узнагароды	Мэдаль Ордэну Пагоні
Мікіта Крыўцоў у Вікісховішчы

Прымаў актыўны ўдзел у акцыях пратэсту супраць фальсыфікацыяў на выбарах. 9 жніўня стаяў перад шэрагам АМАПу зь бел-чырвона-белым сьцягам на плошчы ў Маладзечне. 10 жніўня Мікіта казаў, што быў у Менску, дзе ледзьве не трапіўся АМАПу на Нямізе^[2].

Зьнік 12 жніўня. Раніцаю гэтага дня ён паехаў на працу ў пасёлак Каралёў Стан пад Менскам^[3]. Паводле геалякацыі ягонага тэлефону, Мікіта ў дзень свайго зьнікненьня мог быць у шпіталі альбо ў міліцыі^[4].

Увечары 22 жніўня вартаўнік дачнага кааператыву знайшоў цела Мікіты ў лесе на вуліцы Парніковай у Менску. Ён выклікаў міліцыю і зрабіў фота. На фотаздымку бачна, што Мікіта стаіць на зямлі, такім чынам, назіральнікі сумняюцца ў тым, што ён скончыў жыццё самагубствам. Паводле вартаўніка, твару ў Мікіты фактычна не было, але зубы засталіся цэлыя. Бацькам адмовіліся паказваць цела для апазнаньня.^[2]

Анжаліка, маці Мікіты Крыўцова, патлумачыла, што пасьля здымкаў праграмы для «Белсату» да яе падышоў малады чалавек, які распавёў, што разам з Мікітай пасля арышту быў ў нейкай спартыўнай залі. Там іх зьбівалі й там таксама апошні раз «засьвяціўся» мабільны тэлефон Мікіты. Паводле Анжалікі, гэты хлопец баіцца даваць паказаньні^[5].

18 сакавіка 2021 году стала вядома, што Сьледчы камітэт адмовіўся распачынаць крымінальную справу па факце сьмерці Мікіты Крыўцова «за адсутнасьцю ў чыіх-небудзь дзеяньнях складу злачынства»^[6].

Мікіта Крыўцоў

Біяграфічныя звесткі

Гібель

Памяць

Чытайце таксама

Крыніцы

Wikiwand - on