Мікіта Някрасаў

Мікі́та Але́гавіч Някра́саў (нар. 13 кастрычніка 2000 году) — беларускі футбаліст, паўабаронца гомельскага «Лякаматыва».

Мікіта Някрасаў
Пэрсанальная інфармацыя
Нарадзіўся	13 кастрычніка 2000(2000-10-13)[1] (24 гады) Рэчыца, Гомельская вобласьць, Беларусь[2]
Рост	185 см
Вага	76 кг[2]
Пазыцыя	нападнік
Клюбная інфармацыя
Клюб	Лякаматыў Гомель
Нумар	27
Клюбы
Гады	Клюб	Гульні (галы)¹
2019	Спадарожнік	10 (1)
2020—2021	Гомель	44 (8)
2022—2023	БАТЭ	15 (1)
2024	Нафтан	12 (0)
2024	Гомель	5 (0)
2024	→ Гомель-2[d]	6 (8)
2025—4	Лякаматыў Гомель	14 (5)
Зборныя
2021	Беларусь (да 21)	2 (0)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 28 чэрвеня 2025.

Кар’ера

Клюбная

Выхаванец рэчыцкай ДЮСШ-2, у веку 15 гадоў паступіў у менскую акадэмію АБФФ, пасьля заканчэньня якой у жніўні 2018 году трапіў у дубль менскага «Тарпэда», дзе хутка стаў асноўным гульцом. У ліпені 2019 году, калі празь фінансавыя праблемы з «Тарпэда» сышла большасьць асноўнага складу, перайшоў у рэчыцкі «Спадарожнік»^[3], у складзе якога рэгулярна зьяўляўся на полі, выходзячы на замену.

Да сэзону 2020 году пачынаў рыхтавацца з рэчычанамі, аднак у красавіку 2020 году пакінуў клюб і стаў гульцом «Гомля»^[4]. У складзе гомельскай каманды таксама пераважна выходзіў на замену, дапамог ёй паводле вынікаў сэзону 2020 году павярнуцца ў найвышэйшую лігу. У студзені 2021 году падоўжыў кантракт з «Гомлем»^[5]. 13 сакавіка 2021 году дэбютаваў у найвышэйшай лізе ў матчы першага тура супраць берасьцейскага «Руха» (1:1), выйшаўшы на замену ў канцы сустрэчы. У далейшым працягваў звычайна выходзіць на замену.

У студзені 2022 году пачаў трэнавацца з барысаўскім БАТЭ і неўзабаве падпісаў кантракт з клюбам^[6]. У студзені 2024 году супрацу з клюбам, склаўшы новую працоўную дамову^[7]. Аднак, у сакавіку паводле пагадненьня бакоў скасаваў пагадненьне^[8] і неўзабаве ўзмоцніў склад наваполацкага «Нафтану»^[9]. У жніўні 2024 году стаў футбалістам «Гомля»^[10], але замацавацца ў складзе ня здолеў. У пачатку 2025 годзе трэнаваўся з гомельскім «Лякаматывам»^[11], зь якім пачаў сэзон 2025 году.

Міжнародная

У сакавіку 2017 году гуляў за юнацкую зборную Беларусі (да 17 гадоў) у элітным раўндзе чэмпіянату Эўропы. У кастрычніку 2018 году гуляў за юніёрскую зборную Беларусі (да 19 гадоў) у кваліфікацыйным раўндзе чэмпіянату Эўропы. 2 верасьня 2021 году дэбютаваў у моладзевай зборнай Беларусі, калі выйшаў у стартавым складзе ў адборачным матчы чэмпіянату Эўропы супраць моладзевай зборнай Ісьляндыі (1:2) і быў заменены ў другім тайме.