Міністэрства сувязі і інфарматызацыі Рэспублікі Беларусь

Міністэрства сувязі й інфарматызацыі Рэспублікі Беларусь (Мінсувязі Беларусі) — ведамства ўраду Беларусі, упаўнаважанае ажыцьцяўляць парадкаваньне сувязі. Міністар сувязі й інфарматызацыі прызначаецца й здымаецца з пасады прэзыдэнтам. З 3 сакавіка 2025 году пасаду міністра займае Кірыл Залескі^[5].

Міністэрства сувязі і інфарматызацыі Рэспублікі Беларусь
Абрэвіятура	Мінсувязі РБ
Дата ўтварэньня	25 жніўня 1991 (33 гады таму)
Штаб-кватэра	Менск, пр. Незалежнасьці, д. 10
Міністар	Кірыл Залескі
Першы намесьнік	Павал Ткач
Намесьнікі	Ганна Рабава, Таццяна Рускевіч[1]
Зьвязаныя кампаніі	«Белтэлекам», «Белпошта»
Бюджэт	250,5 млрд рублёў[2] (2009 год; 89,4 млн $[3])
Колькасьць супрацоўнікаў	52,3 тыс. (2009)[4]
Сайт	mpt.gov.by
Колішняя назва	Міністэрства сувязі й інфарматыкі (да 11 студзеня 1997 г.), Міністэрства сувязі (1997—2004)

Склад

1. Цэнтральны апарат — 6 управаў, 5 аддзелаў, 3 сэктары й адна група^[1];
2. Прадпрыемствы «Белтэлекам», «Белпошта», «Беларускі радыётэлевізійны перадавальны цэнтар», «БелДІЭ»^[6] (Беларуская дзяржаўная інспэкцыя электрасувязі), «Дзіпрасувязь», «Інстытут прыкладных праґрамных сыстэмаў», «Прамсувязь», «Менсктелекамбуд», «Белсувязьбуд» і «Белрамбудсувязь»;
3. Вышэйшы дзяржаўны каледж сувязі^[7].

Задачы

1. парадкаваньне сувязі;
2. разьвіцьцё сувязі ў дзяржаве;
3. стварэньне сетак апрацоўкі й перадачы зьвестак;
4. разьмеркаваньне выкарыстаньня радыёчастотаў цывільнымі радыёэлектроннымі сродкамі.

Паўнамоцтвы

1. ухваленьне ведамасных пастановаў;
2. заключэньне міжнародных дамоваў аб сувязі;
3. стварэньне нарадаў;
4. хадайніцтва аб дзяржаўных узнагародах працаўнікам за разьвіцьцё сувязі;
5. запыт зьвестак ва ўстановах^[8].

Мінуўшчына

Пасьля здабыцьця Беларусьсю незалежнасьці 25 жніўня 1991 году Міністэрства сувязі й інфарматыкі больш як 5 год працягвала кіравацца Пастановаю Вярхоўнага Савету БССР ад 16 ліпеня 1990 г. № 129. Указам ад 11 студзеня 1997 г. № 30 прэзыдэнт пераўтварыў яго ў Міністэрства сувязі, а ўказам ад 12 лютага 2004 г. № 66 надаў яму новую ўставу ды сучасную назву — Міністэрства сувязі й інфарматызацыі^[9].