Міхал Скурась

Мі́хал Ску́рась (па-польску: Michał Skóraś; нар. 15 лютага 2000 году) — польскі футбаліст, паўабаронца бэльгійскага клюбу «Бруге» і нацыянальнай зборнай Польшчы.

Міхал Скурась
Пэрсанальная інфармацыя
Нарадзіўся	15 лютага 2000(2000-02-15) (25 гадоў) Ястшэмбе-Здруй[d], Сылескае ваяводзтва, Польшча[1]
Рост	172 см
Пазыцыя	паўабаронца
Клюбная інфармацыя
Клюб	Бруге
Нумар	21
Клюбы
Гады	Клюб	Гульні (галы)¹
2017—2023	Лех Познань	92 (13)
2018—2019	→ Брук-Бэт Тэрмаліка	27 (1)
2019	→ Ракаў Чанстахова	15 (1)
2023—4	Бруге	60 (2)
Зборныя
2019	Польшча (да 20)[d]	10 (0)
2022—4	Польшча	9 (0)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 25 траўня 2025. ² Колькасьць гульняў і галоў за нацыянальную зборную ў афіцыйных матчах, адкарэктавана на 25 чэрвеня 2024.

Кар’ера

Выхаванец познанскага «Леху». У 2018 годзе дзеля здабыцьця гульнявой практыкі быў аддадзены ў арэнду ў клюб другога дывізіёну «Брук-Бэт Тэрмаліка», адгуляўшы за каманду 27 матчаў у сэзоне 2018—2019 гадоў. Палову сэзону 2019—2020 гадоў, таксама на правах арэнды, правёў у клюбе Экстраклясы «Ракаў». Пасьля вярнуўся ў «Лех», дзе пачаў падцягвацца да матчаў асноўнай каманды. 20 сакавіка 2021 году забіў свой першы гол у прафэсійнай кар’еры ў матчы супраць беластоцкай «Ягелёніі»^[2]. У 2023 году спрычыніўся да таго, што польскі клюб дасягнуў чвэрцьфіналу Лігі канфэрэнцыяў 2022—2023 гадоў. У тым жа годзе, а менавіта 26 красавіка, склаў чатырохгадовы кантракт з бэльгійскім «Бруге».

Дасягненьні

«Лех»:

• Чэмпіён Польшчы: 2022

«Бруге»:

• Чэмпіён Бэльгіі: 2024
• Уладальнік Кубка Бэльгіі: 2025