Міхась Гузоўскі

Міха́сь Гузо́ўскі^[1] (1898 — пасьля 1944) — беларускі нацыянальны дзяяч.

Міхась Гузоўскі
Дата нараджэньня	1898
Дата сьмерці	не раней за 1944
Месца вучобы	Чэскі тэхнічны ўнівэрсытэт
Сябра ў	Аб’яднаньне беларускіх студэнцкіх арганізацыяў, Беларуская грамада ў Празе, Беларускі сялянскі саюз у Празе[d], Рада Беларускай Народнай Рэспублікі і Беларускі гаспадарчы саюз[d]

Біяграфія

У 1918—1919 гадах — сябра Беларускай вучнёўская грамады ў Варонежы^[2]. У 1921 — працаваў настаўнікам^[2]. У лістападзе 1921 году прымусова накіраваны польскай школьнай адміністрацыяй на настаўніцкія курсы ў Кракаў^[2].

У 1922 годзе накіраваны з рэкамэндацыі ТБШ на вучобу ў Чэхаславаччыну^[2]. Скончыў агранамічнае аддзяленьне Праскай вышэйшай палітэхнікі^[2]. Быў адным з кіраўнікоў Аб’яднаньня беларускіх студэнтаў за граніцай і Заходняй Беларусі (АБСА), сябрам Беларускай грамады, Беларускага сялянскага саюзу ў Празе, скаўцкай арганізацыі Беларускі Сокал і іншых^[2].

У 1925 годзе абраны ў рэвізійную камісію Рады БНР^[2]. У 1929 годзе вярнуўся ў Заходнюю Беларусь, быў сябрам Беларускага гаспадарчага зьвязу^[2].

У часе Другой сусьветнай вайны жыў на Віленшчыне^[2]. Летам 1944 году арыштаваны НКУС^[2]. Далейшы лёс невядомы.