Міцкевічы (род)

Міцкевічы ці Рымвіды-Міцкевічы — шляхецкі род гербу «Порай».

Калі Вас цікавяць іншыя значэньні, глядзіце Міцкевічы (неадназначнасьць)

Міцкевічы лац. Mickievičy
Mickiewiczowie
Герб «Порай»
Краіна паходжаньня	Вялікае Княства Літоўскае
Прызнаныя ў	Вялікае Княства Літоўскае, Рэч Паспалітая
Першы з роду	Рымвід

Паходжаньне

Бацька Адама Міцкевіча Мікалай выводзіў сваё паходжаньне са шляхецкага роду Рымвідаў-Міцкевічаў гербу «Порай», заснавальнікам якога быў літоўскі баярын Рымвід^[1]. Сам Адам Міцкевіч пісаў аб баярыне Рымвідзе ў сваёй «Гражыне». Аднак шляхецкае паходжаньне Рымвідаў-Міцкевічаў не было прызнана й зацьверджана ў Расейскай імпэрыі, бо Міцкевічы не прадставілі «правльных» доказаў^[2][3]. Паводле некаторых дасьледчыкаў, Міцкевічы паходзілі з заможнага беларускага сялянства^[4].

Прозьвішча роду паходзіла ад беларускага імя Міцька, скарочанага ад Зьміцер; уласна сам Адам Міцкевіч прасіў называць сваё прозьвішча і падпісваўся, як Міцькевіч (па-польску: Mićkiewicz)^[5].

Прадстаўнікі

• Рымвід^[6]
• Валенці Рымвід Міцкевіч^[7]
• Крыштап Міцкевіч
• Ян Міцкевіч
• Якуб Міцкевіч
• Мікалай Міцкевіч
• Францішак Браніслаў Міцкевіч
• Адам Міцкевіч
• Аляксандар Юльян Міцкевіч
• Уладзіслаў Міцкевіч
• Марыя Гарэцкая
• Францішак Міцкевіч